– Temirjolshylar eńbegi erekshe mártebe men qurmetke ie. Elimiz ekonomikasy kúretamyrlarynyń biri – temirjol kóliginiń úzdiksiz jumysy sizderdiń senimdilikterińiz ben jaýapkershilikterińizge bailanysty. Sala aitarlyqtai qarqynmen damýda, óndiristi jańǵyrtý men qaita jaraqtandyrý júrgizilýde. Áleýmettik problemalardy sheshýge, ardagerler qamqorlyq jasaýǵa, jastarmen jumys isteýge úlken kóńil bólinip keledi, – dedi ákim.
JT Qaraǵandy bólimshesi boiynsha barlyǵy 38,7 mln. tonna júk tielgen nemese Kompaniia boiynsha jalpy tielimniń 18%-dy quraidy. Jyl basynan beri 23 mln. tonnadan astam tas kómir tielse, bul Kompaniia boiynsha jalpy kólemniń 28%-yn quraidy.
– Bunyń barlyǵy da sizderdiń táýlik boiǵy, kúndelikti eńbekterińizdiń arqasy. Sizderdiń kásibilikterińiz, tańdap alǵan mamandyqtaryńyzǵa degen adaldyqtaryńyz, nátijege emes, al ar-ojdanǵa jumys isteýge yqtiiarlyqtaryńyz, urpaqtar sabaqtastyǵyn saqtaý men jańany igerýge umtylystaryńyz – bul jetistiktiń jiyntyǵy bolyp tabylady, – dedi jinalǵan kópshilikke qaratyp S. Ábdenov.
«Men marapat úshin emes, meniń isim ary qarai da jalǵassyn jáne órkendesin dep jumys istedim», - dedi qart temirjolshy. Maiqudyq stantsiiasynyń júkter men qol bagajyn qabyldapótkizýshi Natalia Zemtsova oblys ákiminiń Qurmet gramotasymen marapattaldy. Ol temir jolǵa 17 jasynda kelipti. Qazirgi tańda onyń eńbek ótili 40 jyldan astam.
«Men eshqashan qyzmet salasyn aýystyrǵym kelgen joq, meniń eńbegim maǵan qýanysh pen shabyt syilaidy», - dedi ol.
Qaraǵandy bólimshesiniń tarihy Aqmoladan Qaraǵandyǵa deiin jáne Býrabai-Kýrorty stantsiiasy arqyly temirjol jelisin salýdan bastalady. Ony 1926 jyly sala bastady. 30-shy jyldary jalpy uzyndyǵy 490 km bolatyn Aqmola – Qaraǵandy jáne Qaraǵandy – Balqash temirjol tarmaǵy paida boldy.
Qazir óńirde úsh negizgi lokomotiv deposy: Qaraǵandyda, Jańaarqada jáne Balqashta; eki vagon, eki ainalym lokomotiv deposy, eki elektrmenjabdyqtaý distantsiiasy, tórt suryptaý stantsiiasy, 89 stantsiialar men razezder jumys isteidi.
Qaraǵandy bólimshesinde 12 myń temirjolshy eńbek etedi.
