– تەمىرجولشىلار ەڭبەگى ەرەكشە مارتەبە مەن قۇرمەتكە يە. ەلىمىز ەكونوميكاسى كۇرەتامىرلارىنىڭ ءبىرى – تەمىرجول كولىگىنىڭ ۇزدىكسىز جۇمىسى سىزدەردىڭ سەنىمدىلىكتەرىڭىز بەن جاۋاپكەرشىلىكتەرىڭىزگە بايلانىستى. سالا ايتارلىقتاي قارقىنمەن دامۋدا، ءوندىرىستى جاڭعىرتۋ مەن قايتا جاراقتاندىرۋ جۇرگىزىلۋدە. الەۋمەتتىك پروبلەمالاردى شەشۋگە، ارداگەرلەر قامقورلىق جاساۋعا، جاستارمەن جۇمىس ىستەۋگە ۇلكەن كوڭىل ءبولىنىپ كەلەدى، – دەدى اكىم.
«قتج» ۇك» اق باسقارما ءتوراعاسىنىڭ كورپوراتيۆتىك ماسەلەلەر جانە HR جونىندەگى ورىنباسارى سەرىك ابدەنوۆ قاراعاندى بولىمشەسى شيكىزاتتى ەكسپورتتاۋدا جەتەكشى پوزيسيالاردىڭ ءبىرىن، ەكسپلاتاسيالىق جۇكاينالىمىن ورىنداۋ بويىنشا ءبىرىنشى ورىندى يەمدەنەتىندىگىن اتاپ كورسەتتى.
جت قاراعاندى بولىمشەسى بويىنشا بارلىعى 38،7 ملن. توننا جۇك تيەلگەن نەمەسە كومپانيا بويىنشا جالپى تيەلىمنىڭ 18%-دى قۇرايدى. جىل باسىنان بەرى 23 ملن. توننادان استام تاس كومىر تيەلسە، بۇل كومپانيا بويىنشا جالپى كولەمنىڭ 28%-ىن قۇرايدى.
– بۇنىڭ بارلىعى دا سىزدەردىڭ تاۋلىك بويعى، كۇندەلىكتى ەڭبەكتەرىڭىزدىڭ ارقاسى. سىزدەردىڭ كاسىبيلىكتەرىڭىز، تاڭداپ العان ماماندىقتارىڭىزعا دەگەن ادالدىقتارىڭىز، ناتيجەگە ەمەس، ال ار-وجدانعا جۇمىس ىستەۋگە ىقتيارلىقتارىڭىز، ۇرپاقتار ساباقتاستىعىن ساقتاۋ مەن جاڭانى يگەرۋگە ۇمتىلىستارىڭىز – بۇل جەتىستىكتىڭ جيىنتىعى بولىپ تابىلادى، – دەدى جينالعان كوپشىلىككە قاراتىپ س. ابدەنوۆ.
شارا بارىسىندا جت قاراعاندى بولىمشەسىنىڭ وزات قىزمەتكەرلەرى مەن ارداگەرلەرى ماراپاتتالدى. «قۇرمەتتى تەمىرجولشى» توسبەلگىسىمەن جارتى عاسىرىن تەمىر جولعا ارناعان ءابدىماناپ بەيسەمبايەۆ ناگرادتالدى. ول قاراجال ستانسياسىنىڭ باسشىسى، جومارت ستانسياسىندا ريەۆيزور بولىپ جۇمىس ىستەدى.
«مەن ماراپات ءۇشىن ەمەس، مەنىڭ ءىسىم ارى قاراي دا جالعاسسىن جانە وركەندەسىن دەپ جۇمىس ىستەدىم»، - دەدى قارت تەمىرجولشى. مايقۇدىق ستانسياسىنىڭ جۇكتەر مەن قول باگاجىن قابىلداپوتكىزۋشى ناتاليا زەمسوۆا وبلىس اكىمىنىڭ قۇرمەت گراموتاسىمەن ماراپاتتالدى. ول تەمىر جولعا 17 جاسىندا كەلىپتى. قازىرگى تاڭدا ونىڭ ەڭبەك ءوتىلى 40 جىلدان استام.
«مەن ەشقاشان قىزمەت سالاسىن اۋىستىرعىم كەلگەن جوق، مەنىڭ ەڭبەگىم ماعان قۋانىش پەن شابىت سىيلايدى»، - دەدى ول.
قاراعاندى بولىمشەسىنىڭ تاريحى اقمولادان قاراعاندىعا دەيىن جانە بۋراباي-كۋرورتى ستانسياسى ارقىلى تەمىرجول جەلىسىن سالۋدان باستالادى. ونى 1926 جىلى سالا باستادى. 30-شى جىلدارى جالپى ۇزىندىعى 490 كم بولاتىن اقمولا – قاراعاندى جانە قاراعاندى – بالقاش تەمىرجول تارماعى پايدا بولدى.
ءقازىر وڭىردە ءۇش نەگىزگى لوكوموتيۆ دەپوسى: قاراعاندىدا، جاڭاارقادا جانە بالقاشتا؛ ەكى ۆاگون، ەكى اينالىم لوكوموتيۆ دەپوسى، ەكى ەلەكترمەنجابدىقتاۋ ديستانسياسى، ءتورت سۇرىپتاۋ ستانسياسى، 89 ستانسيالار مەن رازەزدەر جۇمىس ىستەيدى.
قاراعاندى بولىمشەسىندە 12 مىڭ تەمىرجولشى ەڭبەك ەتەدى.
