Qaraǵandy oblysynyń Osakarov aýdany ákimdigine qarasty mekeme jańa jyldyq shyrsha oiynshyqtaryn satyp alýǵa biýdjetten 3 million 767 myń 900 teńge jumsamaqshy.
Dalanews.kz redaktsiiasy memlekettik satyp alýlar portalyndaǵy qujattarǵa sholý jasaý barysynda shyǵyndarda kúmán týdyratyn baǵa aiyrmashylyqtaryn anyqtady. Sebebi taýarlardyń quny qarapaiym aýdan biýdjeti úshin tym qymbat ekenin baiqaýǵa bolady.
Tapsyrys aýdan ákimdigine qarasty Osakarov aýdany mádeniet jáne tilderdi damytý bóliminiń “Aýdandyq mádeni-saýyq ortalyǵy” kommýnaldyq memlekettik qazynalyq kásiporny arqyly jariialanǵan. Kelisimshart 2025 jyldyń 15 qarashasynda jasalǵan. Al bir oiynshyqtyń baǵasy 7 myńnan 23 myń teńgege deiin kórsetilgen.
Oiynshyqtar jáne olardyń baǵasy
Kaemingk markasyndaǵy aq keramikalyq atsha oiynshyǵy
Mekeme bul oiynshyqtyń ár danasyna 9440 teńge tólemek. Jalpy shyǵyn 944 myń teńgeni quraidy.
Al dál osyndai taýar Kaspi dúkeninde 1 290 teńgeden satylyp jatyr.
Iaǵni, biýdjet esebinen alynatyn oiynshyqtyń baǵasy naryqtaǵydan 7 ese qymbat.
Kaemingk brendine tiesili “Retro” sharlar
Ákimdik bir oramynda 2 danasy bar oiynshyqqa 23.450 teńge tólemek. Bul taýarǵa ketetin jalpy shyǵyn 1 million 641 500 teńgeni quraidy.
Marketpleisterde bir oramynda 6 danasy bar osyndai oiynshyq 2 800 teńgeden satylyp jatyr. Aiyrmashylyq — 10 ese.
Qar órnegi bar áshekeili shar
Budan 160 dana tapsyrys berilgen. Árqaisy — 7 390 teńge. Jalpy shyǵyn 1 182 400 teńgeni quraidy.
Túiin
Elde biýdjet tapshylyǵy ýshyǵyp, óńirlerde áleýmettik jobalar men infraqurylymdyq jumystarǵa qarjy jetpei jatqan kezeńde, shaǵyn aýdan ákimdiginiń milliondaǵan teńgeni jańa jyldyq oiynshyqtarǵa jumsaýy qanshalyqty qisyndy?
