Qaraǵandy ákimdigi 5,3 mlrd teńge negizsiz jumsaldy degen aqparatqa qatysty túsinik berdi, dep habarlaidy Dalanews.kz.
Buǵan deiin Joǵary aýditorlyq palatasy Qaraǵandy oblysynda 5,3 mlrd teńgeniń zańbuzýshylyǵy anyqtalǵanyn málimdegen bolatyn.
Ákimdik málimetinshe, 2020 jylǵy pandemiia kezinde Memleket basshysy jalpy elimiz boiynsha jumyspen qamtýdy qoldaýǵa, jumys oryndaryn qurýǵa jáne jumyssyzdyqtyń kúrt ósýine jol bermeýge qarajat bólýdi tapsyrdy.
Qaraǵandy oblysynda «Jumyspen qamtý jol kartasy» aiasynda qarajat áleýmettik nysandardy, joldar men TKSh júielerin jóndeýge jumsaldy.
Qaryz sharttary kelesidei bolǵan: aqsha 12 jylǵa, jyldyq mólsherlemesi 6,1%-ben berildi, óteý 2030 jyldan bastalady.
Sondai-aq, 2020 jyly «Shańyraq» jobasy boiynsha qoljetimdi turǵyn úi qurylysy sheńberinde memlekettik obligatsiialar shyǵarý esebinen qarajat bólindi. Bul rette atalmysh qarajat jergilikti atqarýshy organdar úshin qaryzdyń jalpy limitinde eskerilmegen, sebebi úkimet pandemiia kezinde jeke ruqsat bergen.
«Qaraǵandy Sý» JShS túsindirgendei, QR qoldanystaǵy zańnamasynda kompaniianyń ýaqytsha bos aqshalai qarajatyn qysqa merzimdi bank depozitine ornalastyrýǵa tyiym salý kózdelmegen. 2024 jyly JShS-de Joǵary aýditorlyq palata (DPÁ) men Qaraǵandy oblysynyń Tekserý komissiiasynyń tekserýi ótti, saýaldar arasynda biýdjettik nesieleý boiynsha qarajatty paidalanýǵa qatysty suraq boldy. Birde-bir tekserýde ýaqytsha bos aqsha qarajatyn depozitke ornalastyrý boiynsha buzýshylyq tirkelmegen.
«Teplotranzit Karagandy» JShS habarlaǵandai, 2015–2022 jyldar aralyǵynda jylý jelilerin qaita jóndeýge jalpy somasy 16,6 mlrd teńge qarajat tartyldy. 2021 jyldan bastap jasalǵan nesielik sharttar boiynsha negizgi qaryzdy tóleý bastaldy. 2021—2024 jyldary 527 mln teńge tólendi. 2024 jyly tariftik smetada qarjy qarajatynyń bolmaýyna bailanysty kreditti ýaqtyly tólemeý boiynsha bir buzýshylyqqa jol berildi.
Búgingi tańda zań buzýshylyqtar joq deidi ákimdiktegiler.
