قاراعاندى اكىمدىگى 5،3 ملرد تەڭگە نەگىزسىز جۇمسالدى دەگەن اقپاراتقا قاتىستى تۇسىنىك بەردى، دەپ حابارلايدى Dalanews.kz.
بۇعان دەيىن جوعارى اۋديتورلىق پالاتاسى قاراعاندى وبلىسىندا 5،3 ملرد تەڭگەنىڭ زاڭبۇزۋشىلىعى انىقتالعانىن مالىمدەگەن بولاتىن.
اكىمدىك مالىمەتىنشە، 2020 جىلعى پاندەميا كەزىندە مەملەكەت باسشىسى جالپى ەلىمىز بويىنشا جۇمىسپەن قامتۋدى قولداۋعا، جۇمىس ورىندارىن قۇرۋعا جانە جۇمىسسىزدىقتىڭ كۇرت وسۋىنە جول بەرمەۋگە قاراجات ءبولۋدى تاپسىردى.
قاراعاندى وبلىسىندا «جۇمىسپەن قامتۋ جول كارتاسى» اياسىندا قاراجات الەۋمەتتىك نىسانداردى، جولدار مەن تكش جۇيەلەرىن جوندەۋگە جۇمسالدى.
قارىز شارتتارى كەلەسىدەي بولعان: اقشا 12 جىلعا، جىلدىق مولشەرلەمەسى 6،1%-بەن بەرىلدى، وتەۋ 2030 جىلدان باستالادى.
سونداي-اق، 2020 جىلى «شاڭىراق» جوباسى بويىنشا قولجەتىمدى تۇرعىن ءۇي قۇرىلىسى شەڭبەرىندە مەملەكەتتىك وبليگاسيالار شىعارۋ ەسەبىنەن قاراجات ءبولىندى. بۇل رەتتە اتالمىش قاراجات جەرگىلىكتى اتقارۋشى ورگاندار ءۇشىن قارىزدىڭ جالپى ليميتىندە ەسكەرىلمەگەن، سەبەبى ۇكىمەت پاندەميا كەزىندە جەكە رۇقسات بەرگەن.
«قاراعاندى سۋ» ج ش س تۇسىندىرگەندەي، ق ر قولدانىستاعى زاڭناماسىندا كومپانيانىڭ ۋاقىتشا بوس اقشالاي قاراجاتىن قىسقا مەرزىمدى بانك دەپوزيتىنە ورنالاستىرۋعا تىيىم سالۋ كوزدەلمەگەن. 2024 جىلى جشس-دە جوعارى اۋديتورلىق پالاتا (ءدپا) مەن قاراعاندى وبلىسىنىڭ تەكسەرۋ كوميسسياسىنىڭ تەكسەرۋى ءوتتى، ساۋالدار اراسىندا بيۋدجەتتىك نەسيەلەۋ بويىنشا قاراجاتتى پايدالانۋعا قاتىستى سۇراق بولدى. بىردە-بىر تەكسەرۋدە ۋاقىتشا بوس اقشا قاراجاتىن دەپوزيتكە ورنالاستىرۋ بويىنشا بۇزۋشىلىق تىركەلمەگەن.
«تەپلوترانزيت كاراگاندى» ج ش س حابارلاعانداي، 2015–2022 جىلدار ارالىعىندا جىلۋ جەلىلەرىن قايتا جوندەۋگە جالپى سوماسى 16،6 ملرد تەڭگە قاراجات تارتىلدى. 2021 جىلدان باستاپ جاسالعان نەسيەلىك شارتتار بويىنشا نەگىزگى قارىزدى تولەۋ باستالدى. 2021—2024 جىلدارى 527 ملن تەڭگە تولەندى. 2024 جىلى تاريفتىك سمەتادا قارجى قاراجاتىنىڭ بولماۋىنا بايلانىستى كرەديتتى ۋاقتىلى تولەمەۋ بويىنشا ءبىر بۇزۋشىلىققا جول بەرىلدى.
بۇگىنگى تاڭدا زاڭ بۇزۋشىلىقتار جوق دەيدى اكىمدىكتەگىلەر.
