Pavlodar oblysynda jylytý maýsymynyń ótý jaǵdaiy týraly aimaq basshysynyń birinshi orynbasary Suńǵat Esimhanov baiandap berdi. Ol kúrdeli aýa raiyna bailanysty óńirdegi energiia stantsiialaryn kómirmen qamtamasyz etýde qiyndyqtar bolǵanyn, alaida, qazirgi kezde barlyq iri stantsiialar qatty otynmen qamtamasyz etilgenin atap ótti.
[quads id=1]
Jergilikti atqarýshy organdar jylýdyń tolyq berilmeýi derekteri boiynsha 814 ótinishpen jumys istedi, 91 ótinish boiynsha derekter naqtylandy. Osy aptada Pavlodarda arnaiy qyzmettiń jedel jelisin iske qosý josparlanyp jatyr. 109 qysqa nómiri boiynsha túrli ótinishter, onyń ishinde, jylytý maýsymyna bailanysty shaǵymdar da qabyldanady.
– Qar shyǵarý jumystaryna keletin bolsaq, osy jyly onyń mólsheri de, qar qabatynyń qalyńdyǵy da ótken jylǵa qaraǵanda mol bolyp otyr, – dedi Suńǵat Esimhanov. – Qar múldem shyǵarylmaǵan aimaqtar da bar. Aldaǵy ýaqytta aýa raiynyń jylynýyna bailanysty sý basý qaýpi bar. Sondyqtan, qar shyǵarý jumystaryn jedeldetý qajet.
Pavlodar oblysynyń ákimi memlekettik organdardyń qar shyǵarý jumystaryna kóńili tolmaitynyn atap ótti.
Oblystyq ákimdikte ótken jinalysta 2019-2020 jyldary jylytý kezeńiniń jáne eldi mekenderden qar shyǵarý jumystarynyń aralyq qorytyndysy jasaldy. Aimaq basshysy esepterdi tyńdap bolǵan soń qoiǵan suraqtaryna berilgen jaýaptarǵa kóńili tolmady.
Jiynnyń qorytyndysy boiynsha aimaq basshysy energetika jáne TÚKSh basqarmasynyń basshysy Murat Ábilqalyqovqa óńirdiń nysandaryn qamtamasyz etýdegi ońtaily basqarýshylyq sheshimder qabyldaý kezinde tyńǵylyqty saraptama júrgizbegeni úshin, al, Pavlodar qalasynyń ákimi Qairat Núkenovke qalanyń sanitarlyq tazalaý jumystaryn tómen deńgeide júrgizgeni jáne qarym-qatynas máselelerindegi, atap aitqanda, tasymaldaýshylar men turǵyndardyń arasynda úilestirýdiń mardymsyzdyǵy úshin sógis jariialady.
Sonymen birge, Ábilqaiyr Sqaqov qalalar men aýdandardyń ákimderine jylý, elektr jáne sý qubyrlary jelilerin modernizatsiialaý mindetin júktep, jergilikti jerlerdegi basshylardyń jumysyn baǵalaý kezinde osy kórsetkishter esepke alynatynyn atap ótti.
