12 qarasha kúni Qazaqstannyń basym bóliginde qolaisyz aýa raiy kútiledi. "Qazgidromet" mamandary birqatar aimaqqa daýyldy eskertý jariialady. Kóptegen óńirde qar men jańbyr jaýyp, kóktaiǵaq, burqasyn jáne tuman baiqalady. Kei jerlerde jeldiń jyldamdyǵy sekýndyna 20-25 metrge deiin kúsheiýi múmkin, dep habarlaidy Dalanews.kz.
Astana qalasynda túnde jáne tańerteń kóktaiǵaq bolady. Ońtústik-batystan soqqan jel keiinirek soltústik-batys jáne batys baǵytqa aýysyp, ekpini 15–20 m/s deiin jetedi.
Abai oblysynda túngi jáne kúndizgi ýaqytta jańbyr men qar aralas jaýyn-shashyn kútiledi. Ońtústik pen shyǵysta tuman túsip, kei jerlerde kóktaiǵaq pen burqasyn baiqalady. Jeldiń jyldamdyǵy 15–25 m/s shamasynda bolady.
Aqtóbe oblysynda túnde jáne tańerteń soltústik pen batys aimaqtarda tuman túsedi.
Aqmola oblysynda aralas jaýyn-shashyn, kóktaiǵaq jáne burqasyn kútiledi. Batys pen ońtústikte tuman bolady. Jel baǵytyn ońtústik-batystan soltústik-batysqa aýystyryp, 15–20 m/s jyldamdyqpen soǵady.
Almaty oblysynda jel kúsheiip, onyń ekpini soltústik jáne ońtústik óńirlerde 15–20 m/s deiin jetedi.
Shyǵys Qazaqstan oblysynda jańbyr men qar, kóktaiǵaq jáne burqasyn boljanǵan. Túnde jáne tańerteń tuman túsedi. Jeldiń kúshi 15–25 m/s deiin jetýi yqtimal.
Jambyl oblysynda túnde jáne tańerteń, ásirese taýly aýdandarda tuman túsedi. Taýly aimaqtarda jeldiń ekpini 15–20 m/s shamasynda bolady.
Jetisý oblysynda shyǵys baǵyttaǵy jeldiń jyldamdyǵy 17–22 m/s deiin kúsheiedi.
Batys Qazaqstan oblysynda túnde jáne tańerteń tuman kútiledi.
Qaraǵandy oblysynda jańbyr men qar aralas jaýyn-shashyn, kóktaiǵaq jáne burqasyn boljanǵan. Jeldiń ekpini 15–20 m/s.
Qostanai oblysynda táýlik boiy jańbyr men qar jaýyp, kóktaiǵaq pen burqasyn oryn alady. Túnde jáne tańerteń tuman túsýi yqtimal.
Qyzylorda oblysynda soltústik jáne ortalyq aimaqtarda tuman túsedi.
Mańǵystaý oblysynda túngi jáne tańerteńgi ýaqytta batys pen soltústikte tuman baiqalady.
Pavlodar oblysynda jańbyr men qar jaýyp, kóktaiǵaq jáne burqasyn kútiledi. Jeldiń jyldamdyǵy 15–20 m/s deiin jetedi.
Soltústik Qazaqstan oblysynda da aýa raiy turaqsyz — qar, jańbyr, kóktaiǵaq jáne burqasyn kútiledi. Kei jerlerde tuman túsedi.
Ulytaý oblysynda jaýyn-shashyn aralas qar, kóktaiǵaq pen burqasyn boljanyp otyr. Jeldiń jyldamdyǵy 15–20 m/s shamasynda.
Mamandardyń aitýynsha, mundai aýa raiy jol qozǵalysyna qiyndyq týdyryp, kommýnaldyq qyzmetterdiń jumysyna áser etýi múmkin.
