Qar barysy Túrkistannyń taýlaryna aýyp ketken be?
Oblystaǵy orman sharýashylyǵy mekemelerinde barlyǵy 7720,6 gektarǵa orman molaitý jumystary júrgizildi. Onyń ishinde 7000 gektarǵa 43 tonna sekseýil tuqymyn sebý jumystary atqarylsa, 720,6 gektarǵa kóshet egý jumystary atqaryldy.
– Sekseýil otynynyń tabys kózine ainalyp bara jatqandyǵyn eskerip Orman sharýashylyǵy jáne janýarlar dúniesi komitetiniń buiryǵymen 2017 jyldyń 1 shildesinen sekseýil súregin saýdalaýǵa tyiym salyndy. Zańǵa baǵynbai quqyq buzýshy 12 azamatqa quzyrly organdar tarapynan ákimshilik aiyppul salyndy. Bul jumystar biylǵy jyly da jalǵasýda, – dedi Baqytjan Esirkepuly.
Budan ózge, oblystaǵy ańshylyq alqaptardyń jalpy aýmaǵy 6 mln. 744 myń 700 gektardy qurap otyr. Onyń 6 mln. 552 myń 500 gektary 10 ańshylyq paidalanýshyǵa bekitilgen, 172 myń 500 gektardy quraityn 6 ańshylyq alqap rezervtik qorda. Qoldanystaǵy zańnamalardaǵy ózgeristerge sáikes, parkter aýmaǵynda aý aýlaýǵa 2017 jyldan bastap túpkilikti tyiym salynǵan. Sondai-aq, QR Aýyl sharýashylyǵy ministrligi Orman sharýashylyǵy jáne janýarlar dúniesi komitetiniń buiryǵyna sáikes, QR aýmaǵynda 2017 jyldan bastap jyl saiyn 16 aqpannan 14 maýsymǵa deiingi aralyqta ań aýlaýǵa tyiym salyndy.
Málimetterge sáikes, qazir Túrkistan oblysynda 7 qar barysy, 178 úndi jairasy, 604 arqar, 155 buqar buǵysy, 2658 taý eshki mekendeidi. Janýalar dúniesin arttyrý maqsatynda búgingi tańda oblysta jek dýadaqty jasandy jolmen ósirýge arnalǵan Báidibek aýdany aýmaǵyndaǵy 1000 gektar aýmaqta arnaiy tuqymbaq bar. Tuqymbaqtyń búgingi kúnge ónimdiligi shamamen 2000 basty qurap otyr. 2018 jyly maýsym aiynda qoldan ósirilgen 3995 bas jek dýadaq qustary BAÁ-den ákelindi. Onyń 2495 basy Qyzylqum men Moiynqumǵa erkindikke jiberilse, qalǵan 1500 bas jek dýadaq qusy analyq bastyń sanyn arttyrý maqsatynda Báidibek aýdanynda ornalasqan arnaiy tuqymbaqqa ornalastyryldy.
Oblystaǵy bekitilgen balyq sharýashylyǵy sý aidyndarynyń sany 11. Onyń ekeýi halyqaralyq jáne respýblikalyq mańyzy bar Shardara sý qoimasy men Syrdariia ózeni, qalǵandary jergilikti mańyzy bar sý aidyndary. Balyq sharýashylyǵyn júrgizýshi tulǵalarǵa 2018 jyly 1336 tonna limit bólingen.
2018 jyly tekserýler men tabiǵat qorǵaý is-sharalary nátijesinde barlyǵy 329 quqyqbuzýshylyq anyqtaldy. Onyń ishinde: 223 balyq sharýashylyǵy salasy boiynsha, 68 ańshylyq sharýashylyǵy boiynsha, 38 orman sharýashylyǵy jáne EQTA boiynsha bolyp otyr.
Túrkistan oblysy óńirlik kommýnikatsiialar qyzmeti
