Amerikalyq Wall Street Journal (WSJ) basylymyna bergen suhbatynda Zelenskii osylai dep málimdedi.
"Ol eki oblysty basyp alyp, qaqtyǵysty toqtata turaiyq deidi. Eki-úsh jyl demalyp, ál jinap alady da taǵy eki oblysty jaýlap alady. Odan keiin taǵy "qaqtyǵysty toqtata turaiyq" dep aitýy múmkin. Solai jalǵasa beredi. Buǵan kúmánińiz bolmasyn" dedi Zelenskii.
Ýkraina prezidentiniń sózine qaraǵanda, ýkrain azamattary Resei jaýlap alynǵan territoriiany qaitarmai onymen kez kelgen beibit kelisim jasaýǵa kelispeidi.
WSJ Ýkrainada júrgizgen áleýmettik saýalnama nátijesinen derek keltiredi.
Oǵan sáikes, respondentterdiń 89 paiyzy Ýkraina territoriiasyn Reseige berýdi qarastyratyn beibit kelisimge qarsy shyqqan.
24 aqpannan beri Resei áskeri Ýkraina ońtústigindegi Herson jáne Zaporoje oblystarynyń basym bóligin, sonymen birge Lýgansk pen Donetsk oblystarynyń tutas-derlik bóligin basyp aldy. Resei kúshteri sonymen qatar Harkov oblysynyń shyǵysy men Nikolaev oblysynyń ońtústigin baqylaýda ustap otyr. 2014 jyly Resei Qyrymdy anneksiialap, Donetsk men Lýgansk oblysynyń birqatar aýdandaryn baqylaýyna alǵan.
Derekkóz: Azattyq
