Qapshaǵai qalasynyń ákimi Talǵat Qainarbekov oblys ákimi Amandyq Batalovty qalalyq saiabaq aýmaǵyn damytý tujyrymdamasymen, jaǵajai aýmaǵyn damytý men kóp qabatty úilerdiń aýlalaryn abattandyrý syzbasymen, sol siiaqty mádeniet úileri men dene shynyqtyrý-saýyqtyrý keshenderi qurylysynyń jobalyq úlgilerimen tanystyrdy. Prezentatsiia zamanýi landshaftyq dizain elementterin qoldana otyryp jańǵyrtylǵan qalalyq saiabaqta ótti.Oblys ákimi mádeniet úileri men DSK jobalaryn áli de egjei-tegjeili qarastyrýdy, dese de biylǵy jylǵa josparlanǵan qurylys jumystaryn merziminen keshiktirmei bastaýdy tapsyrdy.
Munan keiin oblys ákimi 104 oryndyq tribýnasy bar jańa stadionda boldy. Stadionnyń janynda basketbol, boks, tennis, voleiboloinaityn 5 sporttyq alań bar. Bul jobalardy júzege asyrýǵa 138,5 mln. teńge baǵyttalǵan.
Sonymen qatar oblys ákimine qalalyq jaǵajaida júrgizilgen qurylys jumystary da kórsetildi. Munda da demalýshylarǵa qolaily jaǵdailar qalyptastyrý úshin barlyq múmkindikter jasalǵan. Jaǵajaiǵa baratyn jol salynyp, avtokólikke arnalǵan oryn qarastyrylǵan. Júgirýge, jaiaý júrginshilerge arnalǵan joldar tóselip, jol jamylǵysy túrli-tústi tastan jasalǵan.Jaǵalaý aimaǵynda 200 avtokólikke arnalǵan avtoturaq bar. Barlyq jumys 2017 jyldyń aqpanynan maýsym aiyna deiin júrgizildi. Jobany júzege asyrýǵa 557,7 mln. teńge jumsalǵan.
Qalany aralaý baǵdarlamasyturǵyn úiler aýlalaryn kórýmen jalǵasty. Amandyq Batalov 1-shaǵyn aýdandaǵy № 24, 25 úiler alańdarynda bolyp, ondaǵy fýtbol, oiyn jáne sporttyq alańdardy kórdi. Kire beris jol men trotýardyń asfalt jabyndysy aýystyrylyp, kógaldandyrylǵan, oryndyqtar ornatylyp, qoqys jáshikteri qoiylǵan. Abattandyrýdyń ereksheligi sol, birneshe aýla bir fýtbol alańyna biriktirilgen, jeke aýmaqtarda «MaksDorstroiServis» JShS daiyndaǵan balalar átkenshekteri, oryndyqtar, besedkalar qoiylǵan. Seriktestiktiń bas direktory Aleksandr Skoropatskiidiń aitýynsha, atalmysh zattar uzaq merzim qyzmet etedi, sapaly, qaýipsiz, qolaily. Óz kezeginde T. Qainarbekov biylǵy jyly aýlalardy abattandyrý jobalarynda turǵyndardyń usynys-pikirleri eskerilgenin atap ótti. Endi birqatar aýlalarda hokkei alańdary da salynbaq. Jalpy ótken jyly Qapshaǵai qalasynda 29 aýla abattandyrylsa, biylǵy jyly taǵy 30-yn jańǵyrtýǵa qarjy qarastyrylyp, qurylys jumystary júrgiziletin bolady.
Munan soń «Qapshaǵaijylý» MKK-nyń sý jylytý qazandyǵyna barǵan oblys ákimi mundaǵy jańǵyrtý jumystaryna kýá boldy. T.Qainarbekovtiń sózine súiensek, barlyq jumystar jospar boiynsha jáne sapaly jasalýda, sonymen qatar Qapshaǵai qalasy men Zarechnyi aýylynyń qazandyqtaryn aldaǵy ýaqytta tabiǵi gazǵa qosýdyń tehnikalyq sharttary alynǵan, bul qatty otynǵa qaraǵanda áldeqaida tiimdi bolady deidi mamandar.
Qapshaǵai qalasyn aralaý barysynda oblys ákimi Amandyq Batalov qalany abattandyrý boiynsha ońdy ister jasalyp, tapsyrmalar sapaly júzege asyrylǵanyn atap ótti.
Jiynǵa qatysqan oblystyń aýdan, qalalarynyń ákimderin Qapshaǵaida júzege asyrylyp jatqan abattandyrylý boiynsha jobalardan úlgi alýǵa shaqyrdy.
– Áriptesterińizdiń ońdy tájiribesin kóńilge túiip qoiý kerek. Qapshaǵaida turǵyn úilerdiń aýlalaryn kórkeitý jumystary sátti júrgizilip keledi.Bul isti árbir aýdan, qalada jasaýǵa bolady. Búgin aýlalar, jaǵajai, saiabaq aýmaqtary men qurylys alańdarynda birshama kórnekti isterdiń úlgilerdi kórdik. Árbir iste ideialaryńyzdy aityp, bastamashyl bolýlaryńyz kerek, al biz óz tarapymyzdan barynsha qoldaý kórsetemiz, – degen A.Batalov, budan ári Qapshaǵaidaǵy saparyn oblys ákimdiginiń kóshpeli májilisimen jalǵastyrdy.
Almaty oblysy ákiminiń baspasóz qyzmeti
https://dalanews.kz/33504
