قاپشاعاي قالاسىنىڭ اكىمى تالعات قايناربەكوۆ وبلىس اكىمى اماندىق باتالوۆتى قالالىق ساياباق اۋماعىن دامىتۋ تۇجىرىمداماسىمەن، جاعاجاي اۋماعىن دامىتۋ مەن كوپ قاباتتى ۇيلەردىڭ اۋلالارىن اباتتاندىرۋ سىزباسىمەن، سول سياقتى مادەنيەت ۇيلەرى مەن دەنە شىنىقتىرۋ-ساۋىقتىرۋ كەشەندەرى قۇرىلىسىنىڭ جوبالىق ۇلگىلەرىمەن تانىستىردى. پرەزەنتاسيا زامانۋي لاندشافتىق ديزاين ەلەمەنتتەرىن قولدانا وتىرىپ جاڭعىرتىلعان قالالىق ساياباقتا ءوتتى.وبلىس اكىمى مادەنيەت ۇيلەرى مەن دسك جوبالارىن ءالى دە ەگجەي-تەگجەيلى قاراستىرۋدى، دەسە دە بيىلعى جىلعا جوسپارلانعان قۇرىلىس جۇمىستارىن مەرزىمىنەن كەشىكتىرمەي باستاۋدى تاپسىردى.
مۇنان كەيىن وبلىس اكىمى 104 ورىندىق تريبۋناسى بار جاڭا ستاديوندا بولدى. ستاديوننىڭ جانىندا باسكەتبول، بوكس، تەننيس، ۆولەيبولوينايتىن 5 سپورتتىق الاڭ بار. بۇل جوبالاردى جۇزەگە اسىرۋعا 138،5 ملن. تەڭگە باعىتتالعان.
سونىمەن قاتار وبلىس اكىمىنە قالالىق جاعاجايدا جۇرگىزىلگەن قۇرىلىس جۇمىستارى دا كورسەتىلدى. مۇندا دا دەمالۋشىلارعا قولايلى جاعدايلار قالىپتاستىرۋ ءۇشىن بارلىق مۇمكىندىكتەر جاسالعان. جاعاجايعا باراتىن جول سالىنىپ، اۆتوكولىككە ارنالعان ورىن قاراستىرىلعان. جۇگىرۋگە، جاياۋ جۇرگىنشىلەرگە ارنالعان جولدار توسەلىپ، جول جامىلعىسى ءتۇرلى-تۇستى تاستان جاسالعان.جاعالاۋ ايماعىندا 200 اۆتوكولىككە ارنالعان اۆتوتۇراق بار. بارلىق جۇمىس 2017 جىلدىڭ اقپانىنان ماۋسىم ايىنا دەيىن جۇرگىزىلدى. جوبانى جۇزەگە اسىرۋعا 557،7 ملن. تەڭگە جۇمسالعان.
قالانى ارالاۋ باعدارلاماسىتۇرعىن ۇيلەر اۋلالارىن كورۋمەن جالعاستى. اماندىق باتالوۆ 1-شاعىن اۋدانداعى № 24، 25 ۇيلەر الاڭدارىندا بولىپ، ونداعى فۋتبول، ويىن جانە سپورتتىق الاڭداردى كوردى. كىرە بەرىس جول مەن تروتۋاردىڭ اسفالت جابىندىسى اۋىستىرىلىپ، كوگالداندىرىلعان، ورىندىقتار ورناتىلىپ، قوقىس جاشىكتەرى قويىلعان. اباتتاندىرۋدىڭ ەرەكشەلىگى سول، بىرنەشە اۋلا ءبىر فۋتبول الاڭىنا بىرىكتىرىلگەن، جەكە اۋماقتاردا «ماكسدورسترويسەرۆيس» ج ش س دايىنداعان بالالار اتكەنشەكتەرى، ورىندىقتار، بەسەدكالار قويىلعان. سەرىكتەستىكتىڭ باس ديرەكتورى الەكساندر سكوروپاتسكييدىڭ ايتۋىنشا، اتالمىش زاتتار ۇزاق مەرزىم قىزمەت ەتەدى، ساپالى، ءقاۋىپسىز، قولايلى. ءوز كەزەگىندە ت. قايناربەكوۆ بيىلعى جىلى اۋلالاردى اباتتاندىرۋ جوبالارىندا تۇرعىنداردىڭ ۇسىنىس-پىكىرلەرى ەسكەرىلگەنىن اتاپ ءوتتى. ەندى ءبىرقاتار اۋلالاردا حوككەي الاڭدارى دا سالىنباق. جالپى وتكەن جىلى قاپشاعاي قالاسىندا 29 اۋلا اباتتاندىرىلسا، بيىلعى جىلى تاعى 30-ىن جاڭعىرتۋعا قارجى قاراستىرىلىپ، قۇرىلىس جۇمىستارى جۇرگىزىلەتىن بولادى.
مۇنان سوڭ «قاپشاعايجىلۋ» مكك-نىڭ سۋ جىلىتۋ قازاندىعىنا بارعان وبلىس اكىمى مۇنداعى جاڭعىرتۋ جۇمىستارىنا كۋا بولدى. ت.قايناربەكوۆتىڭ سوزىنە سۇيەنسەك، بارلىق جۇمىستار جوسپار بويىنشا جانە ساپالى جاسالۋدا، سونىمەن قاتار قاپشاعاي قالاسى مەن زارەچنىي اۋىلىنىڭ قازاندىقتارىن الداعى ۋاقىتتا تابيعي گازعا قوسۋدىڭ تەحنيكالىق شارتتارى الىنعان، بۇل قاتتى وتىنعا قاراعاندا الدەقايدا ءتيىمدى بولادى دەيدى ماماندار.
قاپشاعاي قالاسىن ارالاۋ بارىسىندا وبلىس اكىمى اماندىق باتالوۆ قالانى اباتتاندىرۋ بويىنشا وڭدى ىستەر جاسالىپ، تاپسىرمالار ساپالى جۇزەگە اسىرىلعانىن اتاپ ءوتتى.
جيىنعا قاتىسقان وبلىستىڭ اۋدان، قالالارىنىڭ اكىمدەرىن قاپشاعايدا جۇزەگە اسىرىلىپ جاتقان اباتتاندىرىلۋ بويىنشا جوبالاردان ۇلگى الۋعا شاقىردى.
– ارىپتەستەرىڭىزدىڭ وڭدى تاجىريبەسىن كوڭىلگە ءتۇيىپ قويۋ كەرەك. قاپشاعايدا تۇرعىن ۇيلەردىڭ اۋلالارىن كوركەيتۋ جۇمىستارى ءساتتى جۇرگىزىلىپ كەلەدى.بۇل ءىستى ءاربىر اۋدان، قالادا جاساۋعا بولادى. بۇگىن اۋلالار، جاعاجاي، ساياباق اۋماقتارى مەن قۇرىلىس الاڭدارىندا ءبىرشاما كورنەكتى ىستەردىڭ ۇلگىلەردى كوردىك. ءاربىر ىستە يدەيالارىڭىزدى ايتىپ، باستاماشىل بولۋلارىڭىز كەرەك، ال ءبىز ءوز تاراپىمىزدان بارىنشا قولداۋ كورسەتەمىز، – دەگەن ا.باتالوۆ، بۇدان ءارى قاپشاعايداعى ساپارىن وبلىس اكىمدىگىنىڭ كوشپەلى ماجىلىسىمەن جالعاستىردى.
الماتى وبلىسى اكىمىنىڭ باسپا ءسوز قىزمەتى
https://dalanews.kz/33504
