Qapshaǵai qalasynda 12 kóshe jóndeledi
Qapshaǵai qalasynyń ákimdigi habarlanǵandai, búgin «Atyraýinjstroi AAJ» merdiger uiymy Shyǵys shaǵyn aýdanyndaǵy uzyndyǵy 3,5 shaqyrymdy quraityn 13 kósheni jóndeý jumystaryn bastady. Sonymen birge, Qyz Jibek kóshesiniń boiyna beton jol jabyny tóselip, qalǵan joldarǵa asfaltbeton tósemi daiyndalýda.
«Golden city DS» JShS-niń kómegimen Almaty kóshesin ortasha jóndeý jumystary júrgizilýde. Atalǵan kósheniń bordiýrleri jáne zamanaýi áinektelgen aialdamasy bar. Qazir jol belgilerin ornatý jáne jaiaý júrginshiler ótkelderin belgileý jumystary iske asyrylýda.
Zarechnoe jáne Sheńgeldi aýyldaryndaǵy 10 kóshede qurylys jumystary júrgiziliýde. Merdiger – «MAXDORSTROYSERVIS-21» JShS. Sheńgeldi aýyldyq okrýgine qarasty Qosqudyq aýylyndaǵy uzyndyǵy 0,760 shaqyrymdyq Altynsarin kóshesi, uzyndyǵy 0,970 shaqyrymdyq Kebulaq aýylyndaǵy ortalyq alleia, Sheńgeldi aýylyndaǵy 0,7 shaqyrymdyq Jambyl, 0,150 shaqyrym Qojahan baba kósheleriniń jáne Aqózek aýylyndaǵy 0,740 shaqyrym Tóle bi kóshesine jóndeý jumystary júrgizildi.
Zarechnoe aýyldyq okrýgindegi 0,411 shaqyrym Táýelsizdik, 0,356 shaqyrym Jeltoqsan, 0,225 shaqyrym Sadovaia, 0.506 shaqyrym Tóle bi kósheleri jóndeldi.
Aita keteiik, Qapshaǵai qalasynda biyl «Jumyspen qamtýdyń jol kartasy» baǵdarlamasy boiynsha jalpy uzyndyǵy 12 km 510 metr bolatyn 12 kóshe jóndeledi. Jalpy, osy baǵdarlama aiasynda 19 jobany iske asyrýǵa Qapshaǵai óńirine 1,7 milliard teńge qarjy qarastyrylǵan.
Sonymen qatar, «Jumyspen qamtýdyń jol kartasy» baǵdarlamasy aiasynda 288 jumys ornyn qurý josparlanýda. Onyń 143 jumys orny qalalyq jumyspen qamtý ortalyqtary arqyly júzege asyrylady. Búgingi tańda 150-ge jýyq adam jumyspen qamtyldy. Bul jospardyń 102,8%-yn quraidy.
