Qonaevtaǵy «Qapshaǵai Bidai Ónimderi» JShS qyzmetkerleri 15 naýryzda ótetin respýblikalyq referendýmǵa beijai qaramai, belsendi qatysýǵa nietti ekenin bildirdi, dep habarlaidy Dalanews.kz
Ujym ókilderiniń aitýynsha, eldegi mańyzdy sheshimderge ár azamat óz úlesin qosýy tiis.
«Referendým – bul bolashaqqa baǵyttalǵan tańdaý. Biz óndiris salasynda eńbek ete otyryp, el turaqtylyǵy men damýynyń mańyzyn jaqsy túsinemiz», – deidi kásiporyn mamandary.
«Qapshaǵai Bidai Ónimderi» – óńirdegi tamaq ónerkásibi baǵytynda jumys isteitin óndiristik nysan. Kásiporynda un, qurama jem jáne suiyq mai óndiriledi. Ónimder eksportqa shyǵarylady. Zaýytta óndiristik jeliler kezeń-kezeńimen jańartylyp, sapa talaptaryna sai jumys júrgizilýde.
Kásiporyn óńir ekonomikasyna úles qosyp, jergilikti turǵyndardy turaqty jumyspen qamtyp otyr. Ujym músheleri eldegi saiasi naýqandarǵa qatysý – sanaly azamattyń ustanymy ekenin atap ótti.
Qyzmetkerler 15 naýryz kúni ótetin referendýmǵa qatysýǵa shaqyryp, bul qadam memleket damýyna qosylatyn ortaq úles ekenin jetkizdi.
