Kandelaki orys tiliniń yǵysýyna bailanysty jazbasyna ún qatqan qazaqstandyqtarǵa taǵy da jaýap qaitardy. Kezekti jazbasynda ol “máńgúrt” sózine erekshe toqtalyp, qańtar oqiǵasy kezinde Reseidiń Qazaqstanǵa kómekteskenin málimdedi.
“Qurmetti qazaqtar, sizderde “máńgý” degen qarapaiym biraq keń maǵynaly uǵym bar. Budan belgili máńgúrt beinesi shyǵady. Ol - jadysynan, bolmysynan, sanasynan aiyrylǵan adam. Ózińizdi jáne ótkenniń enshisinde qalǵan tarihi oqiǵa men tarihi ataýlardy umytý - jai ǵana saýatsyzdyq emes, sonymen qatar qaýipti áreket” – dep jazdy ol.
Telejúrgizýshi ótkendi eske almaý “Borat” filmine qoshemet kórsetýmen birdei ekenin eske saldy.
“Filmge Qazaqstannan basqa kim tyiym saldy? Resei men Parsy shyǵanaǵy elderi. Al Batys elderi she? Qazaqtarǵa mán bermedi. Olar úshin qazaqtar kim? Jaýaby filmnen anyq kórinis tabady. Qazaqstan eki jyl buryn joiylyp kete jazdady. Sol kezde kómekke kelgen kórshi jaqsy ma, álde janyp jatqan qala ma?“– dep jazdy Kandelaki.
Ol 2022 jyly Qańtar oqiǵasy kezinde UQShU áskeriniń Qazaqstanǵa barýyn mysalǵa keltirdi. Onyń aitýynsha, eger «kórshileriniń kómegi» bolmasa, Qazaqstan ómir súrýin toqtatar edi.
Eske sala keteiik, kúni keshe reseilik telejúrgizýshi Tina Kandelaki Qazaqstan orys tilin memlekettik deńgeide yǵystyryp jatyr dep Telegram arnasyna jazba jariialaǵan edi. Oǵan qazaqstandyq belgili tulǵalar men qarapaiym halyq narazylyǵyn bildirdi.
