كاندەلاكي ورىس تٸلٸنٸڭ ىعىسۋىنا بايلانىستى جازباسىنا ٷن قاتقان قازاقستاندىقتارعا تاعى دا جاۋاپ قايتاردى. كەزەكتٸ جازباسىندا ول “مەڭگٷرت” سٶزٸنە ەرەكشە توقتالىپ, قاڭتار وقيعاسى كەزٸندە رەسەيدٸڭ قازاقستانعا كٶمەكتەسكەنٸن مەلٸمدەدٸ.
“قۇرمەتتٸ قازاقتار, سٸزدەردە “مەڭگۋ” دەگەن قاراپايىم بٸراق كەڭ ماعىنالى ۇعىم بار. بۇدان بەلگٸلٸ مەڭگٷرت بەينەسٸ شىعادى. ول - جادىسىنان, بولمىسىنان, ساناسىنان ايىرىلعان ادام. ٶزٸڭٸزدٸ جەنە ٶتكەننٸڭ ەنشٸسٸندە قالعان تاريحي وقيعا مەن تاريحي اتاۋلاردى ۇمىتۋ - جاي عانا ساۋاتسىزدىق ەمەس, سونىمەن قاتار قاۋٸپتٸ ەرەكەت” – دەپ جازدى ول.
تەلەجٷرگٸزۋشٸ ٶتكەندٸ ەسكە الماۋ “بورات” فيلمٸنە قوشەمەت كٶرسەتۋمەن بٸردەي ەكەنٸن ەسكە سالدى.
“فيلمگە قازاقستاننان باسقا كٸم تىيىم سالدى? رەسەي مەن پارسى شىعاناعى ەلدەرٸ. ال باتىس ەلدەرٸ شە? قازاقتارعا مەن بەرمەدٸ. ولار ٷشٸن قازاقتار كٸم? جاۋابى فيلمنەن انىق كٶرٸنٸس تابادى. قازاقستان ەكٸ جىل بۇرىن جويىلىپ كەتە جازدادى. سول كەزدە كٶمەككە كەلگەن كٶرشٸ جاقسى ما, ەلدە جانىپ جاتقان قالا ما?“– دەپ جازدى كاندەلاكي.
ول 2022 جىلى قاڭتار وقيعاسى كەزٸندە ۇقشۇ ەسكەرٸنٸڭ قازاقستانعا بارۋىن مىسالعا كەلتٸردٸ. ونىڭ ايتۋىنشا, ەگەر «كٶرشٸلەرٸنٸڭ كٶمەگٸ» بولماسا, قازاقستان ٶمٸر سٷرۋٸن توقتاتار ەدٸ.
ەسكە سالا كەتەيٸك, كٷنٸ كەشە رەسەيلٸك تەلەجٷرگٸزۋشٸ تينا كاندەلاكي قازاقستان ورىس تٸلٸن مەملەكەتتٸك دەڭگەيدە ىعىستىرىپ جاتىر دەپ Telegram ارناسىنا جازبا جارييالاعان ەدٸ. وعان قازاقستاندىق بەلگٸلٸ تۇلعالار مەن قاراپايىم حالىق نارازىلىعىن بٸلدٸردٸ.
