Toqaevty tobyqtan qaǵyp, "eki jep, bige shyqqysy" kelgen Dariǵa qaida júrdi?
Nazarbaevtyń shylbyryna oralyp, shashbaýyn kótergen jaqyn serikteri qaida boldy?
Dalainside telegram arnasy osy týrasynda oi órbitip, birqatar qyzyqty tezisterdi ortaǵa salǵan tanymal saiasatker Jaqsybek Qulekeevtyń kitabyna qaita úńildi.
Qańtardyń qarsańynda eks-prezident Germaniiada ota jasatqan "santehnik" inisi Bolattyń kóńili suraý úshin Shamalǵanǵa kelgen.
Jaǵdai ýshyqqan tusta Nazarbaev pen keibir áýlet ókilderi brondalǵan kólikpen qyrǵyz shekarasyn kesip ótken. Qyrǵyz jerine tabany tigesin, qaýip bulty seiilip, Nazarbaev klany sol aradan áýejaiǵa jetkizilgen, ári qarai Dýbai qaidasyń dep Arab jerine tartyp otyrǵan.
Qulekeevtiń aitýynsha Áliia áýelden-aq Arab ámirliginde bolǵan. Buǵan onyń keiinnen óshirip tastaǵan áleýmettik jelidegi akkaýnty dálel.
"Servis Áliianyń ornalasqan jerin avtomatty túrde Arab ámirligi dep anyqtady. Jariia tulǵanyń akkaýnty kókpen belgilense, mundai anyqtama qoiylady", – deidi ol.
Qańtar kezinde Nazarbaevtyń basqan keshkenderin kózi qaraqty qaýym shet-shaǵalai biledi. Al eks-prezidenttiń tula boiy tuńǵyshy Dariǵanyń Almatydan shyǵa almai, sory qainaǵanyn bireý bilse, bireý bilmes.
Qulekeev bul oraida kelesidei insaidpen bólisken eken.
"Biraz basqa oqiǵalar bolǵan. Maǵan eks-prezidenttiń úlken qyzynyń umytshaqtyǵy týraly aitty. Qańtardyń qarsańynda Dariǵa Nazarbaeva Jańa jyldy toilaýdyń qyzyǵyna kirgeni sonshalyq, ony Almatydan tez arada qaýipsiz jerge ketý týraly kóndirgen soń, ol Naýai kóshesindegi rezidentsiiadan anasy Sara Nazarbaevany ózimen birge alyp ketýdi umytyp ketken...".
Dalainside nazar aýdarǵan taǵy bir jait Qulekeev kitapta Sara apamyzdy Nazarbaevtyń birinshi áieli dep jazady. Buǵan toqtalyp jatqandy jón kórmedik, bul jaǵy kópshilikke tańsyq emes dep topshyladyq.
"(Dariǵa) Sheshesin úide qaldyryp ketkeni eske túskende, qalada búlik bastalyp, evakýatsiialaýda qiyndyq týyndaǵan. Memkúzettiń qyzmetkerleri Sara Nazarbaevaǵa brondy mashinanyń kúzetimen tórt kólik jiberýge májbúr bolǵan. Tek osylai ǵana burynǵy birinshi hanymnyń qaýipsizdigin qamtamasyz ete aldy", – deidi Qulekeev.
Qyrsyq bir ainaldyrsa, shyr ainaldyrady, keibir kúzetshiler halyqtyń qaharynan qorqyp, Sara apamyz otyrǵan kortejdi tastap ketken. Qol sozym jerdegi Almaty áýejaiyna jetý muń bolǵan...
"Saldarynan brondy kólik "Ońtústik qaqpa" baqylaý - ótkizý beketiniń mańyndaǵy qorshaýdy buzyp ótýge májbúr bolǵan. Osydan keiin ǵana VIP jeke ushaqtyń bortyna jetkizilgen", – deidi saiasatker.
Qulekeevtyń aitýynsha Qańtarda Nazarbaevtyń ózge týystary men serikteri de solqyldaqtyq tanytqan. Máselen, eks-prezidenttiń nemere inisi Ahmetjan Esimovtyń záre-quty qashqany sonsha bir top nókerimen Medeý muz aidynyn bókterlep, "Shymbulaq" shipajaiyna jasyrynǵan.
Budan ózge ekskliýzivti materialdardy myna siltemeden oqi alassyzdar: t.me/dalainside
