توقاەۆتى توبىقتان قاعىپ, "ەكٸ جەپ, بيگە شىققىسى" كەلگەن داريعا قايدا جٷردٸ?
نازارباەۆتىڭ شىلبىرىنا ورالىپ, شاشباۋىن كٶتەرگەن جاقىن سەرٸكتەرٸ قايدا بولدى?
Dalainside تەلەگرام ارناسى وسى تۋراسىندا وي ٶربٸتٸپ, بٸرقاتار قىزىقتى تەزيستەردٸ ورتاعا سالعان تانىمال ساياساتكەر جاقسىبەك قۇلەكەەۆتىڭ كٸتابىنا قايتا ٷڭٸلدٸ.
قاڭتاردىڭ قارساڭىندا ەكس-پرەزيدەنت گەرمانييادا وتا جاساتقان "سانتەحنيك" ٸنٸسٸ بولاتتىڭ كٶڭٸلٸ سۇراۋ ٷشٸن شامالعانعا كەلگەن.
جاعداي ۋشىققان تۇستا نازارباەۆ پەن كەيبٸر ەۋلەت ٶكٸلدەرٸ بروندالعان كٶلٸكپەن قىرعىز شەكاراسىن كەسٸپ ٶتكەن. قىرعىز جەرٸنە تابانى تيگەسٸن, قاۋٸپ بۇلتى سەيٸلٸپ, نازارباەۆ كلانى سول ارادان ەۋەجايعا جەتكٸزٸلگەن, ەرٸ قاراي دۋباي قايداسىڭ دەپ اراب جەرٸنە تارتىپ وتىرعان.
قۇلەكەەۆتٸڭ ايتۋىنشا ەلييا ەۋەلدەن-اق اراب ەمٸرلٸگٸندە بولعان. بۇعان ونىڭ كەيٸننەن ٶشٸرٸپ تاستاعان ەلەۋمەتتٸك جەلٸدەگٸ اككاۋنتى دەلەل.
"سەرۆيس ەلييانىڭ ورنالاسقان جەرٸن اۆتوماتتى تٷردە اراب ەمٸرلٸگٸ دەپ انىقتادى. جارييا تۇلعانىڭ اككاۋنتى كٶكپەن بەلگٸلەنسە, مۇنداي انىقتاما قويىلادى", – دەيدٸ ول.
قاڭتار كەزٸندە نازارباەۆتىڭ باسقان كەشكەندەرٸن كٶزٸ قاراقتى قاۋىم شەت-شاعالاي بٸلەدٸ. ال ەكس-پرەزيدەنتتٸڭ تۇلا بويى تۇڭعىشى داريعانىڭ الماتىدان شىعا الماي, سورى قايناعانىن بٸرەۋ بٸلسە, بٸرەۋ بٸلمەس.
قۇلەكەەۆ بۇل ورايدا كەلەسٸدەي ينسايدپەن بٶلٸسكەن ەكەن.
"بٸراز باسقا وقيعالار بولعان. ماعان ەكس-پرەزيدەنتتٸڭ ٷلكەن قىزىنىڭ ۇمىتشاقتىعى تۋرالى ايتتى. قاڭتاردىڭ قارساڭىندا داريعا نازارباەۆا جاڭا جىلدى تويلاۋدىڭ قىزىعىنا كٸرگەنٸ سونشالىق, ونى الماتىدان تەز ارادا قاۋٸپسٸز جەرگە كەتۋ تۋرالى كٶندٸرگەن سوڭ, ول ناۋاي كٶشەسٸندەگٸ رەزيدەنتسييادان اناسى سارا نازارباەۆانى ٶزٸمەن بٸرگە الىپ كەتۋدٸ ۇمىتىپ كەتكەن...".
Dalainside نازار اۋدارعان تاعى بٸر جايت قۇلەكەەۆ كٸتاپتا سارا اپامىزدى نازارباەۆتىڭ بٸرٸنشٸ ەيەلٸ دەپ جازادى. بۇعان توقتالىپ جاتقاندى جٶن كٶرمەدٸك, بۇل جاعى كٶپشٸلٸككە تاڭسىق ەمەس دەپ توپشىلادىق.
"(داريعا) شەشەسٸن ٷيدە قالدىرىپ كەتكەنٸ ەسكە تٷسكەندە, قالادا بٷلٸك باستالىپ, ەۆاكۋاتسييالاۋدا قيىندىق تۋىنداعان. مەمكٷزەتتٸڭ قىزمەتكەرلەرٸ سارا نازارباەۆاعا بروندى ماشينانىڭ كٷزەتٸمەن تٶرت كٶلٸك جٸبەرۋگە مەجبٷر بولعان. تەك وسىلاي عانا بۇرىنعى بٸرٸنشٸ حانىمنىڭ قاۋٸپسٸزدٸگٸن قامتاماسىز ەتە الدى", – دەيدٸ قۇلەكەەۆ.
قىرسىق بٸر اينالدىرسا, شىر اينالدىرادى, كەيبٸر كٷزەتشٸلەر حالىقتىڭ قاھارىنان قورقىپ, سارا اپامىز وتىرعان كورتەجدٸ تاستاپ كەتكەن. قول سوزىم جەردەگٸ الماتى ەۋەجايىنا جەتۋ مۇڭ بولعان...
"سالدارىنان بروندى كٶلٸك "وڭتٷستٸك قاقپا" باقىلاۋ - ٶتكٸزۋ بەكەتٸنٸڭ ماڭىنداعى قورشاۋدى بۇزىپ ٶتۋگە مەجبٷر بولعان. وسىدان كەيٸن عانا VIP جەكە ۇشاقتىڭ بورتىنا جەتكٸزٸلگەن", – دەيدٸ ساياساتكەر.
قۇلەكەەۆتىڭ ايتۋىنشا قاڭتاردا نازارباەۆتىڭ ٶزگە تۋىستارى مەن سەرٸكتەرٸ دە سولقىلداقتىق تانىتقان. مەسەلەن, ەكس-پرەزيدەنتتٸڭ نەمەرە ٸنٸسٸ احمەتجان ەسٸموۆتىڭ زەرە-قۇتى قاشقانى سونشا بٸر توپ نٶكەرٸمەن مەدەۋ مۇز ايدىنىن بٶكتەرلەپ, "شىمبۇلاق" شيپاجايىنا جاسىرىنعان.
بۇدان ٶزگە ەكسكليۋزيۆتٸ ماتەريالداردى مىنا سٸلتەمەدەن وقي الاسسىزدار: t.me/dalainside
