Ekologiia jáne tabiǵi resýrstar vitse-ministri Nurken Shárbiev qańǵybas itterdi kútip-ustaý máselesine bailanysty jyl saiyn 450 mlrd teńge qajet ekenin málimdedi, dep habarlaidy Dalanews.kz.
Nurken Shárbiev 2022 jyly 247 myń it ustalǵanyn alǵa tartyp, olardy sterilizatsiialaý, vaktsinatsiialaý jáne kútip-ustaý úshin bir jylǵa shamamen 16 mlrd teńge qajet bolǵanyn jetkizdi. Aitýynsha, qańǵybas itterdi tabiǵi ólimine deiin arnaiy oryndarda ustaityn bolsaq, shyǵyn kólemi aitarlyqtai ósedi.
“Eger bir itti kútip-ustaýǵa kúnine 5000 teńge ketetinin eskersek, 2022 jyly ustalǵan itterdiń ózine bir jylda shamamen 450 mlrd teńge qajet bolady. Bul somaǵa sterilizatsiia, vaktsinatsiia, kútim, sondai-aq itterdi tirkeý shyǵyndary kiredi”, – deidi Nurken Shárbiev.
Atalǵan másele Májilistiń Ekologiia máseleleri jáne tabiǵatty paidalaný komitetiniń janýarlarǵa jaýapkershilikpen qaraý týraly zań jobasy boiynsha ótken dóńgelek ústel otyrysynda talqylandy. Qańǵybas itterdi basqarýdyń ekonomikalyq tiimdi ári adam ómirine qaýipsiz joldary izdestirilip jatyr.
Aita keteeiik, Densaýlyq saqtaý ministrliginiń derekterine súiensek, 2022 jyly qańǵybas janýarlardyń adamdardy tisteý jaǵdaiy 22 myń ret tirkelgen bolsa, 2023 jyly bul kórsetkish shamamen 50 myńǵa jetken. Al biyl bul san odan da joǵary bolýy múmkin. Ákimdikterdiń málimetteri boiynsha, adamdardy tisteý oqiǵalarynyń 65%-yna qańǵybas itter sebep bolǵan.
