ەكولوگيا جانە تابيعي رەسۋرستار ۆيسە-مينيسترى نۇركەن شاربييەۆ قاڭعىباس يتتەردى كۇتىپ-ۇستاۋ ماسەلەسىنە بايلانىستى جىل سايىن 450 ملرد تەڭگە قاجەت ەكەنىن مالىمدەدى، دەپ حابارلايدى Dalanews.kz.
نۇركەن شاربييەۆ 2022 جىلى 247 مىڭ يت ۇستالعانىن العا تارتىپ، ولاردى ستەريليزاسيالاۋ، ۆاكسيناسيالاۋ جانە كۇتىپ-ۇستاۋ ءۇشىن ءبىر جىلعا شامامەن 16 ملرد تەڭگە قاجەت بولعانىن جەتكىزدى. ايتۋىنشا، قاڭعىباس يتتەردى تابيعي ولىمىنە دەيىن ارنايى ورىنداردا ۇستايتىن بولساق، شىعىن كولەمى ايتارلىقتاي وسەدى.
“ەگەر ءبىر ءيتتى كۇتىپ-ۇستاۋعا كۇنىنە 5000 تەڭگە كەتەتىنىن ەسكەرسەك، 2022 جىلى ۇستالعان يتتەردىڭ وزىنە ءبىر جىلدا شامامەن 450 ملرد تەڭگە قاجەت بولادى. بۇل سوماعا ستەريليزاسيا، ۆاكسيناسيا، كۇتىم، سونداي-اق يتتەردى تىركەۋ شىعىندارى كىرەدى”، – دەيدى نۇركەن شاربييەۆ.
اتالعان ماسەلە ءماجىلىستىڭ ەكولوگيا ماسەلەلەرى جانە تابيعاتتى پايدالانۋ كوميتەتىنىڭ جانۋارلارعا جاۋاپكەرشىلىكپەن قاراۋ تۋرالى زاڭ جوباسى بويىنشا وتكەن دوڭگەلەك ۇستەل وتىرىسىندا تالقىلاندى. قاڭعىباس يتتەردى باسقارۋدىڭ ەكونوميكالىق ءتيىمدى ءارى ادام ومىرىنە ءقاۋىپسىز جولدارى ىزدەستىرىلىپ جاتىر.
ايتا كەتەەيىك، دەنساۋلىق ساقتاۋ مينيسترلىگىنىڭ دەرەكتەرىنە سۇيەنسەك، 2022 جىلى قاڭعىباس جانۋارلاردىڭ ادامداردى تىستەۋ جاعدايى 22 مىڭ رەت تىركەلگەن بولسا، 2023 جىلى بۇل كورسەتكىش شامامەن 50 مىڭعا جەتكەن. ال بيىل بۇل سان ودان دا جوعارى بولۋى مۇمكىن. اكىمدىكتەردىڭ مالىمەتتەرى بويىنشا، ادامداردى تىستەۋ وقيعالارىنىڭ 65%-ىنا قاڭعىباس يتتەر سەبەپ بولعان.
