Bizdiń elimizde «Qazaqstan Respýblikasynyń Qaýipsizdik Keńesi týraly» zańy negizinde qurylǵan Qazaqstan Respýblikasynyń Qaýipsizdik Keńesi degen organ bar. (Tóraǵasy ózin ózi sailap alǵan N.Nazarbaev)
Qaýipsizdik keńesiniń eń basty mindeti "eldiń ulttyq qaýipsizdigin qamtamasyz etý" (2-bap, 1 tarmaq) delingen. Ol eldiń ulttyq qaýipsizdigine qatysty sharalardy úilestirýge, ulttyq qaýipsizdiktiń ishki jáne syrtqy qaterlerin boljaý, olardyń aldyn alý jáne olardy beitaraptandyrý jónindegi usynystardy ázirleýge mindetti. Osy zańǵa sáikes qabyldanǵan Qaýipsizdik Keńesi týraly Erejede de ulttyq qaýipsizdikti qamtamasyz etýdiń mańyzdylyǵy atap ótilip, negizgi mindetteri qatarynda «ulttyq múddelerdi qorǵaýdyń negizgi baǵyttaryn aiqyndaý, ulttyq qaýipsizdikke tónetin ishki jáne syrtqy qaterlerdi anyqtaý, taldaý, baǵalaý jáne boljamdaý, eldiń ulttyq qaýipsizdigin qamtamasyz etýdiń quraldary men ádisterin tańdaý» siiaqty fýnktsiialar kórsetilgen.
Al ulttyq qaýipsizdik jeke adamnyń, qoǵamnyń jáne memlekettiń qaýipsizdigin qamtamasyz etýden turady.
Sonda Qaýipsizdik keńesi orasan adam qurbandyqtaryna soqtyrǵan COVID-19 indetiniń órshýin de, onyń soqtyrar yqtimal shyǵyndaryn boljai almaǵan bolyp shyqty.
Bul indet 2020 jylǵy qańtar aiynan álemge qaýip tóndire bastady. Sonda Qaýipsizdik keńesi tikelei mindeti ekenine qaramastan jeti aidan beri koronavirýsqa qatysty ishki jáne syrtqy jaǵdaidy laiyqty baǵamdai almady. IVL apparattarynyń, ottegi kontsentratorlarynyń yqtimal tapshylyǵyn eseptep, emdeý mekemelerin qamtamasyz etý jóninde usynystar jasai almady. Tipti oǵan eshkim pysqyrmaǵan.
Osyndai beiǵamdyqtyń saldarynan (Tóraǵasynyń ózi juqtyryp) Qazaqstan koronavirýs órshýi jaǵynan álemde birinshi orynǵa shyǵyp ketti.
Qazaqstan halqynyń densaýlyǵy – ulttyq bailyǵy. Eń basty qundylyǵy da – adam. Endeshe jekelegen azamattarynyń, búkil qoǵamnyń, sondai-aq memlekettiń qaýipsizdigin qamtamasyz ete almaǵan Qaýipsizdik Keńesi óziniń múlde tiimsiz ári qajetsiz ekendigin kórsetti.
Halyqqa, qoǵamǵa, memleketke eshqandai paidasyz mundai organnyń biýdjet qarjysyna ustalyp turylýy – qylmys.
Sondyqtan azamattarynyń aldynda jaýapkershiligi, qoǵam aldynda qamqorlyǵy, álem aldynda abyroiy qalmaǵan Qaýipsizdik Keńesi taratylsyn!
Marat Baidildáulynyń jazbasy
