Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Qanat Islam Maqtaaralǵa qonaqqa keldi

Dalanews
Qanat Islam Maqtaaralǵa qonaqqa keldi
Búgin Maqtaaral aýdanyna tanymal kásipqoi boksshy, elimizdiń maqtanyshy Qanat Islam qonaqqa keldi. Atakent kentiniń «Alpamys batyr» stadionyna jinalǵan jurt qalyń qoshemetpen qazaq batyryn kútip aldy.

Eń aldymen quttyqtaý sózge shyqqan aýdan ákimi Baqyt Asanov jańadan qurylǵan aýdanǵa tanymal boksshynyń kelýi úlken qýanysh ekenin atap ótip, izgi tilegin arnady.

– Búgin aýdanymyzǵa búkil álemge tanymal kásipqoi boksshy Qanat Islam qonaqqa keldi. Bul jańadan qurylǵan aýdanymyz úshin, maqtaaraldyqtar úshin zor qýanysh! Qanattyń árbir jekpe-jegin maqtaaraldyqtar jan kúidire otyryp tamashalaidy. Onyń ringtegi árbir soqqysy elimizdiń namysyn, abyroiyn kóterýge baǵyttalǵan. Ol – rýhy biik, ór minezdi, elimizdiń naǵyz ultjandy azamaty. Maqtaaral aýdanynyń ákimdigi jergilikti jerden myqty sportshylardy, kásipqoi boksshylardy daiyndap shyǵarý úshin Qanat Islam siiaqty tulǵalardy nasihattaýdy toqtatpaidy. Sondyqtan, kieli Maqtaaral aýdanyna kelgenińiz úshin Sizge alǵysymdy bildire otyryp denińizge saýlyq tileimin. Elimizdiń kók týyn jelbiretýden sharshamańyz! – dedi Baqyt Násirhanuly.

Izgi tilegin arnaǵan aýdan ákimi qazaq batyrynyń astyna tulpar mingizip, ústine shapan japty. Sondai-aq, Qanat Islammen birge kelgen túie palýan, «Qazaqstan barysy» týrniriniń júldegeri Jumanazar Ersultanovqa alǵysyn bildirdi.

Jiyn barysynda Qanat Islam maqtaaraldyq jas boksshylarǵa aqyl-keńesin aityp, master-klass ótkizdi. Maqtaaraldaǵy sport mektepteriniń tálimgerleri qazaq batyrymen jattyǵý jasap, dáris úirendi. Sondai-aq, Qanat Islam Maqtaaral agrokolledjine aialdap, stýdent jastarmen kezdesti. Kezdesýde patriottyq taqyryptaǵy áńgimeler aitylyp, erkin suhbat quryldy.

Aita keteiik, Qanat Islam 2012 jyly «Arlandar» sapynan ketip, kásipqoi bokspen ainalysa bastady. AQSh-tyń promoýterlik kompaniialarymen kelisim-shartqa otyryp, osy ýaqytqa deiin 25 jekpe jek ótkizedi jáne onyń barlyǵyn da túgeldei jeńispen aiaqtaidy. Onyń ishinde 20-syn nokaýtpen jeńedi.



Maqtaaral aýdany ákiminiń baspasóz qyzmeti

 
Qanat Islam Maqtaaral Baqyt Asanov «Alpamys batyr» stadiony Atakent Madina Sádýaqasova

Oqi otyryńyz