«Energetikalyq jáne kommýnaldyq sektorlardy jańǵyrtý» Ulttyq jobasyn júzege asyrýǵa jaýapty Premer-ministrdiń orynbasary Qanat Bozymbaev aldaǵy jumystyń úsh negizgi baǵytyn aiqyndady, dep habarlaidy dalanews.kz.
Óńirlerdiń basym bóligi jóndeý jumystaryna kirisip ketti. Degenmen, ákimdikterge 2026 jyldyń jobalaryn erekshe baqylaýǵa alyp, jumystardyń belgilengen merzimde aiaqtalýyn qamtamasyz etý tapsyryldy. Sonymen birge óńirler qajetti protsedýralardy ýaqytyly ótkizip, kelesi qurylys maýsymynda jumysty úzilissiz bastaý úshin 2027 jylǵa arnalǵan jobalardy aldyn ala daiyndaýy tiis.
Tutynýshylardy esepteý quraldarymen (eseptegishtermen) qamtamasyz etýge bólek kóńil bólindi. Tikelei jaýapty ministrlikterge ákimdiktermen birlesip, ár óńirdiń qajettiligin anyqtaý jáne 2029 jylǵa deiin eseptegishterdi ornatýdyń naqty josparyn bekitý tapsyryldy. Qanat Bozymbaevtyń paiymdaýynsha, sý, jylý jáne elektr energiiasyn tutynýdy tolyq esepke almaiynsha, kommýnaldyq salany tolyqqandy tsifrlandyrýǵa ótý múmkin emes.
Taǵy bir tapsyrma kommýnaldyq qyzmetterdi tóleý kezindegi turǵyn úi kómegine qatysty boldy. Ony taǵaiyndaý rásimin jeńildetip, avtomattandyrý josparlanýda. Ol úshin biryńǵai esep aiyrysý ortalyqtary memlekettik aqparattyq júielermen integratsiialanýy tiis, osylaisha qajetti málimetter avtomatty túrde túsip, azamattarǵa qujattardy qaita jinaýdyń qajeti bolmaidy.
