«ەنەرگەتيكالىق جەنە كوممۋنالدىق سەكتورلاردى جاڭعىرتۋ» ۇلتتىق جوباسىن جٷزەگە اسىرۋعا جاۋاپتى پرەمەر-مينيستردٸڭ ورىنباسارى قانات بوزىمباەۆ الداعى جۇمىستىڭ ٷش نەگٸزگٸ باعىتىن ايقىندادى, دەپ حابارلايدى dalanews.kz.
ٶڭٸرلەردٸڭ باسىم بٶلٸگٸ جٶندەۋ جۇمىستارىنا كٸرٸسٸپ كەتتٸ. دەگەنمەن, ەكٸمدٸكتەرگە 2026 جىلدىڭ جوبالارىن ەرەكشە باقىلاۋعا الىپ, جۇمىستاردىڭ بەلگٸلەنگەن مەرزٸمدە اياقتالۋىن قامتاماسىز ەتۋ تاپسىرىلدى. سونىمەن بٸرگە ٶڭٸرلەر قاجەتتٸ پروتسەدۋرالاردى ۋاقىتىلى ٶتكٸزٸپ, كەلەسٸ قۇرىلىس ماۋسىمىندا جۇمىستى ٷزٸلٸسسٸز باستاۋ ٷشٸن 2027 جىلعا ارنالعان جوبالاردى الدىن الا دايىنداۋى تيٸس.
تۇتىنۋشىلاردى ەسەپتەۋ قۇرالدارىمەن (ەسەپتەگٸشتەرمەن) قامتاماسىز ەتۋگە بٶلەك كٶڭٸل بٶلٸندٸ. تٸكەلەي جاۋاپتى مينيسترلٸكتەرگە ەكٸمدٸكتەرمەن بٸرلەسٸپ, ەر ٶڭٸردٸڭ قاجەتتٸلٸگٸن انىقتاۋ جەنە 2029 جىلعا دەيٸن ەسەپتەگٸشتەردٸ ورناتۋدىڭ ناقتى جوسپارىن بەكٸتۋ تاپسىرىلدى. قانات بوزىمباەۆتىڭ پايىمداۋىنشا, سۋ, جىلۋ جەنە ەلەكتر ەنەرگيياسىن تۇتىنۋدى تولىق ەسەپكە المايىنشا, كوممۋنالدىق سالانى تولىققاندى تسيفرلاندىرۋعا ٶتۋ مٷمكٸن ەمەس.
تاعى بٸر تاپسىرما كوممۋنالدىق قىزمەتتەردٸ تٶلەۋ كەزٸندەگٸ تۇرعىن ٷي كٶمەگٸنە قاتىستى بولدى. ونى تاعايىنداۋ رەسٸمٸن جەڭٸلدەتٸپ, اۆتوماتتاندىرۋ جوسپارلانۋدا. ول ٷشٸن بٸرىڭعاي ەسەپ ايىرىسۋ ورتالىقتارى مەملەكەتتٸك اقپاراتتىق جٷيەلەرمەن ينتەگراتسييالانۋى تيٸس, وسىلايشا قاجەتتٸ مەلٸمەتتەر اۆتوماتتى تٷردە تٷسٸپ, ازاماتتارعا قۇجاتتاردى قايتا جيناۋدىڭ قاجەتٸ بولمايدى.
