Búgingi tańda Alataýda týrizm, logistika, ónerkásip, bilim berý jáne biznes salalarynda 11 joba ázirlenýde. Qala aýmaǵynda iri investitsiialyq jobalar josparlanǵan jáne olardy ornalastyrý boiynsha aldyn ala kelisimder injenerlik qurylystar men qorǵanys aimaqtaryn eskere otyryp jasalǵan. Sanitarlyq aimaqtarǵa, óndiristik alańdardy tiimdi paidalanýǵa jáne qorshaǵan ortaǵa áser etýine bailanysty qalanyń aýmaǵyn josparlaýda túzetýler engizý qarastyrylǵan.
Osyǵan bailanysty, Vitse-premer biznes ókilderimen, jobalaý institýttarymen kezdesip, qalanyń Bas josparyna ózgerister engizý jónindegi usynystardy tyńdady.
- Jańa Alataý qalasyn salý yńǵaily, qaýipsiz, tehnologiialyq turǵyda damyǵan jáne ekologiialyq taza bolýy kerek. Alataý zamanaýi ýrbanistik ortalyqtyń úlgisi bola alady. Qala qurylysynyń halyqaralyq standarttarǵa negizdelgen zamanaýi bolýyn qamtamasyz etý qajet.
Bir ai ishinde investorlarmen jasalǵan kelisimderge sáikes qala aýmaǵynda investitsiialyq jobalardy ornalastyrý máselelerin qaita qaraýdy tapsyrdym. Barlyq profildi ministrlikter protsesti jedeldetip, mamyr aiyna deiin bas josparǵa ózgerister engizsin, - dedi Qanat Bozymbaev.
Odan keiin Alataýda Joba keńsesiniń otyrysy ótti, oǵan ulttyq ekonomika, ádilet, aýyl sharýashylyǵy, kólik, qurylys jáne infraqurylym, eńbek jáne halyqty áleýmettik qorǵaý vitse-ministrleri qatysty.
Qatysýshylar EPC sharttary men qurylysty salýǵa ketetin qarjylandyrý quraldaryn qoldaný mehanizmderin engizý jumystary týraly esep berdi. Aýyl sharýashylyǵy maqsatyndaǵy jerler, sondai-aq áýe taksii úshin eksperimenttik orta men alańdy belgileý máseleleri qarastyryldy.
Qalany tartymdy etip jasaý jáne kadrlyq áleýetti nyǵaitý maqsatynda Alataý qalasy mamandary úshin ipotekalyq kredit berý limitin ulǵaitý usynyldy.
Eske sala keteiik, 2024 jyldan bastap Almaty oblysynyń ákimdigi men «Otbasy bank» AQ birlesip 35 jasqa deiingi jastar úshin «Almaty Jastary» jeńildetilgen ipotekalyq kredit berý baǵdarlamasyn iske qosty. Bul baǵdarlamaǵa ótken jyly jergilikti biýdjetten 500 mln teńge bólinip, taǵy 500 mln teńge bank tarapynan qarjylandyryldy.
Bul 55 otbasynyń turǵyn úimen qamtamasyz etilýine múmkindik berdi. Qazirgi ýaqytta 38 úmitker óz páterleriniń kiltterin aldy.
Ótken jobalaý keńsesiniń qorytyndysy boiynsha Qanat Bozymbaev memlekettik organdarǵa atqarylatyn jumystyń kólemi týraly eskertip, ministrlikter men ákimdikterdiń laýazymdy tulǵalarynyń tapsyrmalardy ýaqytynda oryndamaýyna jeke jaýapkershilik júkteitinin eske saldy.
