DALA INSIDE arnasyna jetken aqpar boiynsha Qazaqstannyń eks-premery, shirek ǵasyr boiyna qiyr qonyp, shet jailap júrgen Ákejan Maǵjanuly mamyrdyń ortasynda AQSh astanasyna jol tartady.
Aq úidegi yqpaldy tulǵalarmen júzdesýdi josparlap otyrǵan Qajygeldin Nazarbaevtyń tóńiregi, sonyń ishinde eks-prezidenttiń kúieýbalasy Timýr Qulybaevqa sanktsiia salýdy tabandy túrde talap etpek.
Atalǵan tizimde atyshýly «Maisheke», Aleksandr Mashkevich te bar.
Qoldy bolǵan aktivterdi qaitarý qoryn (KIAR) qurǵan Qajygeldin myqty lobbistke muhtaj. Bul iske Kongrestiń nazaryn aýdarý ońai bolmaidy.
Ákejannyń komandasy Ýashintondaǵy saiasi ortada ájeptáýir salmaǵy bar Jozef Slaviktiń tamyryn basyp kórmek.
Slavik Scribe Strategies & Advisors lobbistik kompaniiasynyń jetekshisi.
Qajygeldinmen buǵan deiin de kontakt ornatqan.
Eks-premerdiń 2021 jyldyń jeltoqsanyndaǵy Ýashington saparyna Slaviktiń septigi tigen. Sol joly Ákejan bastaǵan qazaq oppozitsiiasy Kongress múshelerimen qaýqyldasqan bolatyn.
Jozeftiń Qazaqstanmen bailanysty basqa da jumysy jetip artylady.
Qazir ol Bolat Nazarbaevqa aldanyp qalǵan ispan investorlary Nervisa Gerardo i Torres Morananyń aktivterin qaitara almai murnynan shanshylyp júr.
Jozekeń AQSh-taǵy Shetel aktivin qadaǵalaý keńsesine (OFAC) baryp Bókeńniń ústinen aryz túsirgen.
Londonda turatyn Qajygeldinmen Qazaqstandaǵy oppozitsiia ókilderi turaqty bailanysta. Qajygeldinniń "Qazaq aktivterin qaitarý" (KIAR) qory men Bolat Ábilovtyń "Elge qaitarý" uiymy etene bailanysta jumys isteidi.
Býtianyń senimdi adamy, qarjyger Orazaly Erjanov sáýirdiń sońynda Britan astanasyna baryp, Ákejanmen áńgime-dúken qurǵan.
KIAR-ǵa kómek qolyn sozǵan qurylymdardyń ishinde britan izkeseri, Orta Aziiadaǵy avtokrattarǵa tiesili sheteldik aktivti timiskilep júretin Stivenom Fittsdjon bar.
Fittsdjonnyń Ventham Consulting kompaniiasy Qajygeldinge Nazarbaevtyń qupiia kapitaly týraly málimet jiberip turady. Árine, tegin emes.
Ákejan myrzanyń aitýynsha Nazarbaev áýletiniń el kózinen tasa, astyrtyn alyp shyqqan aktiviniń quny 100 mlrd dollardan asyp jyǵylady.
