Almaty oblysyndaǵy Qaiyńdy kóline aparatyn aýdandyq mańyzy bar tasjol tamyzda el igiligine beriledi, dep habarlaidy dalanews.kz.
Qazir órge qarai baǵyttalǵan oily-qyrly jol tegistelip, negizgi jumystar támamdalǵan. Endi asfalt tóseý jumysy qarqyndy júrip jatyr. Búginge deiin jol boiyndaǵy 42 (100%) sý ótkizgish qubyr tolyq ornatylyp, 2,5 shaqyrym jol asfalttalǵan.
Joldyń jalpy uzyndyǵy - 10 shaqyrym. Joba byltyr qazanda bastalǵan. Jalpy quny - 2,43 mlrd teńge. Biyl jol qurylysyna jergilikti biýdjetten 1374,9 mln teńge qarjy bólingen.
Joba óńirdegi kólik infraqurylymy talapqa sai bolýyna, jol sapasy jaqsarýyna septigin tigizedi. Jańa jol paidalanýǵa berilgennen keiin Qaiyńdy kóline qatynaý edáýir jeńildeidi. Bul óńirge keletin týrister sany artýyna oń yqpal etedi.
