Premer-ministr qyzmetinde qalǵan Oljas Bektenov jyl sońyna qarai Qazaqstan ekonomikasynyń ósimi keminde 5 paiyz deńgeiinde bolatynyn málimdedi, dep habarlaidy dalanews.kz.
Ol bul týraly Prezident Qasym-Jomart Toqaevtyń qatysýymen ótken jiynda aitty.
– Qurmetti Prezident myrza, jyl qorytyndysy boiynsha biz ekonomikanyń keminde 5 paiyzdyq ósimin qamtamasyz etemiz. Osyǵan bailanysty infliatsiia deńgeiin tómendetip, halyqtyń tabysyn arttyrý úshin jumyspen qamtýdy belsendi túrde yntalandyratyn bolamyz, – dedi Oljas Bektenov.
Premer-ministrdiń aitýynsha, Úkimet aldaǵy ýaqytta ekonomikalyq ósimdi saqtaýǵa, infliatsiiany tejeýge jáne azamattardyń ál-aýqatyn jaqsartýǵa baǵyttalǵan sharalardy jalǵastyrady.
Bektenov sondai-aq halyqtyń kirisin arttyrýdyń negizgi tetikteriniń biri retinde turaqty jumyspen qamtý men jańa jumys oryndaryn qurýǵa basymdyq beriletinin atap ótti.
Memleket basshysynyń Jarlyǵymen Oljas Abaiuly Bektenov Qazaqstan Respýblikasynyń Premer-Ministri laýazymyna taǵaiyndaldy.
