Almatydaǵy «Baisat» kóterme-bólshek saýda naryǵy jańa iesine ótti. Qaitarylǵan aktivterdi basqarý kompaniiasy saýda-sattyq nátijesinde nysandy 24,8 mlrd teńgege satty, dep habarlaidy dalanews.kz.
Resmi málimetke sáikes, áńgime «Kóterme-bólshek saýda ortalyǵy» JShS-niń 100 paiyz úlesin satý týraly bolyp otyr. Saýda qorytyndysy boiynsha mámile quny 24 772 753 285 teńgeni qurady. Alaida satyp alýshynyń aty-jóni ázirge jariialanǵan joq.
«Baisat» bazary buǵan deiin memleketke qaitarylǵan aktivterdiń qataryna engen bolatyn. Nysan birneshe ret aýktsionǵa shyǵarylǵanymen, bastapqy kezeńderde satyp alýshy tabylmaǵan.
Máselen, ótken jyldyń jeltoqsan aiynda bazardyń bastapqy baǵasy 26,7 mlrd teńge bolyp belgilense, odan burynǵy saýdada onyń quny 28 mlrd teńgege baǵalanǵan edi.
Osylaisha, sońǵy saýda-sattyqta nysan bastapqy usynylǵan baǵadan tómen somaǵa satyldy.
Eske salaiyq, «Baisat» bazary buǵan deiin Qairat Satybaldyǵa qatysy bar aktivterdiń biri retinde atalǵan bolatyn. Keiin ol memleketke qaitarylǵan aktivter tizimine engizilgen.
