الماتىداعى «بايسات» كٶتەرمە-بٶلشەك ساۋدا نارىعى جاڭا يەسٸنە ٶتتٸ. قايتارىلعان اكتيۆتەردٸ باسقارۋ كومپانيياسى ساۋدا-ساتتىق نەتيجەسٸندە نىساندى 24,8 ملرد تەڭگەگە ساتتى, دەپ حابارلايدى dalanews.kz.
رەسمي مەلٸمەتكە سەيكەس, ەڭگٸمە «كٶتەرمە-بٶلشەك ساۋدا ورتالىعى» جشس-نٸڭ 100 پايىز ٷلەسٸن ساتۋ تۋرالى بولىپ وتىر. ساۋدا قورىتىندىسى بويىنشا مەمٸلە قۇنى 24 772 753 285 تەڭگەنٸ قۇرادى. الايدا ساتىپ الۋشىنىڭ اتى-جٶنٸ ەزٸرگە جارييالانعان جوق.
«بايسات» بازارى بۇعان دەيٸن مەملەكەتكە قايتارىلعان اكتيۆتەردٸڭ قاتارىنا ەنگەن بولاتىن. نىسان بٸرنەشە رەت اۋكتسيونعا شىعارىلعانىمەن, باستاپقى كەزەڭدەردە ساتىپ الۋشى تابىلماعان.
مەسەلەن, ٶتكەن جىلدىڭ جەلتوقسان ايىندا بازاردىڭ باستاپقى باعاسى 26,7 ملرد تەڭگە بولىپ بەلگٸلەنسە, ودان بۇرىنعى ساۋدادا ونىڭ قۇنى 28 ملرد تەڭگەگە باعالانعان ەدٸ.
وسىلايشا, سوڭعى ساۋدا-ساتتىقتا نىسان باستاپقى ۇسىنىلعان باعادان تٶمەن سوماعا ساتىلدى.
ەسكە سالايىق, «بايسات» بازارى بۇعان دەيٸن قايرات ساتىبالدىعا قاتىسى بار اكتيۆتەردٸڭ بٸرٸ رەتٸندە اتالعان بولاتىن. كەيٸن ول مەملەكەتكە قايتارىلعان اكتيۆتەر تٸزٸمٸنە ەنگٸزٸلگەن.
