Ýkraina prezidenti Vladimir Zelenskii Chernobyl atom elektr stantsiiasyna jasalǵan reseilik shabýylǵa qatysty pikir bildirdi, dep habarlaidy Dalanews.kz.
Zelenskiidiń aitýynsha, Resei áskeri dronyn óte tómen biiktikte ushyrǵan, sondyqtan ony radarlar anyqtai almaǵan.
«Radarlar mundai biiktiktegi drondardy kórmeidi. Bul olardyń muny ádeii jasaǵanyn kórsetedi. Dron baǵytyn kezdeisoq ózgertken joq. Shabýyl dál sarkofagqa baǵyttaldy, ári bul qaýipsizdik jónindegi Miýnhen konferentsiiasynyń bastalǵan kúnine sáikes keldi. Bul – Resei Federatsiiasy men Pýtinnen kelgen anyq belgi», – dedi Zelenskii Miýnhendegi baspasóz máslihatynda.
Chernobyl AES – 1986 jyly jarylys bolǵan tarihi nysan. Zelenskii bul shabýyldyń astarynda geosaiasi messedj baryn meńzep, halyqaralyq qaýymdastyqty áreket etýge shaqyrdy.
