Bizdińshe Resei azamattarynyń kórshi Qazaqstanǵa kelýi Almatydan aýylǵa baryp kelgendei ońai dúnie bolmaýy kerek.
Pýtinniń mobilizatsiiasynan keiin elimizben shekaralyq aýdandarda turatyndardyń Qazaqstanǵa bassaýǵalap qasha bastaǵanda QR Parlamenti Senatynyń tóraǵasy Máýlen Áshimbaev bul máselege qatysty pikir bildirip, jurtty sabasyna túsirýge tyrysty.
Máýlen Áshimbaev Qazaqstan men Reseidegi shekarany qadaǵalap turǵan shekara qyzmetine túk qatysy joq. Mundaida Ulttyq qaýipsizdiń qyzmetiniń tóraǵasy Ermek Saǵymbaev telearna arqyly qazaq tilinde (bul másele qazaq tildiler qatty alańdap otyr) túsinikteme bergende jaqsy bolar edi.
Aqparat quraldaryna Shekara qyzmetiniń taqul-tuqyl aqparaty jariialanǵanyn kórdik. Álgi aqparattyń jartysynda Áshimbaevtyń málimdemesine silteme jasalǵan. Bolǵan-bitkeni osy.
Áshimbaev óz málimdemesinde Qazaqstanda turaqtap turýǵa keletin Resei azamattar óz elinen ruqsat qaǵazyn alýy kerek eken aitty.
Bizdińshe, Qazaqstanǵa bet túzegen orystardyń bári mundai anyqtama qaǵazyn alýy múmkin emes. Onyń ústine olar mobizizatsiianyń dúrbeleńi basylǵan soń, elderine qaitýydy da oilaý múmkin.
Reseimen kórshiles Finlandiia, Baltyq jaǵalaýy elderi bul iske jedel nazar aýdaryp, ózderine qarai bet túzegen orystardyń aldynan shyǵyp, zańdyq turǵydan jedel tosqaýyl qoidy.
Bizdińshe Áshimbaev bastaǵan parlamentarii ókilderi de osy máselege jedel nazar aýdaryp, shekaradan ary-beri ótýdi qatańdatatyn zańdyń normalardy qabyldaýy kerek. Qur málimdememen eldi sabasyna túsirý múmkin emes.
Resei Ýkrianaǵa qarsy soǵas ashqannan keiin biraq aýqatty orystar Qazaqstanǵa bet túzep, osynda kelip JSN alyp, jumys istei bastaǵanda Parlament depýtattary bizdiń JSN jurtqa taratatyn jyrtys emes ekenin aityp, JSN alýdy birshama qiyndatty emes pe?
Dál qazir soǵan uqsasy edel-jedel shara qabyldaý kerek bolyp tur. Bul úshin Pýtinniń qas qabaǵyna qaraýdyń jóni joq.
Nurlan Jumahan
