Resei prezidenti Vladimir Pýtinniń jaqyn dosy, violonchelshi Sergei Roldýgin Astanada kontsert beredi, – dep habarlaidy Dalanews.kz. Maitanov_online arnasyna silteme jasap.
2022 jyldyń aqpanynda Eýropalyq Odaq Vladimir Pýtinmen qoian-qoltyq aralasatyn Roldýgindi kásipker retinde tanyp, oǵan sanktsiia salǵan bolatyn.
Buǵan deiinde EýroOdaq elderi Roldýgin «Pýtinniń qarjylyq shemasynyń bir bóligin basqaratynyn» aityp kelgen-di.
Onyń keminde 5 offshorlyq kompaniiasy bar ekeni belgili. «Pýtinniń ámiiandarynyń» biri sanalatyn Sergei Roldýgin óziniń aktivterin «Rossiia» bankinde saqtaidy.
The New York Times 2014 jyly Roldýgin Pýtinniń úlken qyzy Mariianyń ókil ákesi ekenni jazǵan bolatyn.
Roldýginniń kontserti «Astana Opera» teatrynda 23 aqpanda ótedi dep josparlanýda. Pýtin bastaǵan basqynshylar 2022 jyly 24 aqpanda Ýkrainaǵa basyp kirgen bolatyn.
