Resei prezidenti Vladimir Pýtin Ýkraina basshysy Vladimir Zelenskiimen kezdesýge kelisimin berdi. Bul týraly AQSh memlekettik hatshysy Marko Rýbio Fox News arnasynda málimdedi, dep habarlaidy Dalanews.kz.
Rýbionyń sózinshe, Resei men Ýkraina basshylarynyń kezdesýin usynǵan – AQSh prezidenti Donald Tramp. Qazir amerikalyq tarap kelissózdi uiymdastyrý úshin jumys júrgizip jatyr.
"Eger bári oidaǵydai ótse, kelesi kezdesý Pýtin, Tramp jáne Zelenskiidiń qatysýymen ótedi dep úmittenemiz. Sol jerde biz kelisimdi túpkilikti rásimdeýge niettimiz. Búgin osyǵan qalai jetýge bolatyny talqylandy. Biraq Pýtinniń: «Jaqsy, men Zelenskiimen kezdesemin» deýi – bul úlken jetistik. Árine, olar sol bólmeden eń jaqyn dos bolyp shyqpaidy, bálkim beibit kelisim de bolmaidy. Biraq adamdardyń sóilese bastaýynyń ózi mańyzdy. Mundaiǵa úsh jarym jyldan beri qol jetkizilmegen edi", – dedi AQSh memlekettik hatshysy.
Sonymen qatar Resei syrtqy ister ministri Sergei Lavrov jýrnalisterge bergen jaýabynda Pýtin men Zelenskiidiń kezdesýi birden bola qoimaitynyn meńzedi.
"Resei Ýkrainadaǵy jaǵdaidy retteý boiynsha eshqandai formattan – ekijaqty da, úshjaqty da – bas tartpaidy. Biraq memleket basshylary deńgeiindegi kez kelgen kezdesýdi asa muqiiat daiyndaý qajet", – dedi Lavrov.
