رەسەي پرەزيدەنتٸ ۆلاديمير پۋتين ۋكراينا باسشىسى ۆلاديمير زەلەنسكييمەن كەزدەسۋگە كەلٸسٸمٸن بەردٸ. بۇل تۋرالى اقش مەملەكەتتٸك حاتشىسى ماركو رۋبيو Fox News ارناسىندا مەلٸمدەدٸ, دەپ حابارلايدى Dalanews.kz.
رۋبيونىڭ سٶزٸنشە, رەسەي مەن ۋكراينا باسشىلارىنىڭ كەزدەسۋٸن ۇسىنعان – اقش پرەزيدەنتٸ دونالد ترامپ. قازٸر امەريكالىق تاراپ كەلٸسسٶزدٸ ۇيىمداستىرۋ ٷشٸن جۇمىس جٷرگٸزٸپ جاتىر.
"ەگەر بەرٸ ويداعىداي ٶتسە, كەلەسٸ كەزدەسۋ پۋتين, ترامپ جەنە زەلەنسكييدٸڭ قاتىسۋىمەن ٶتەدٸ دەپ ٷمٸتتەنەمٸز. سول جەردە بٸز كەلٸسٸمدٸ تٷپكٸلٸكتٸ رەسٸمدەۋگە نيەتتٸمٸز. بٷگٸن وسىعان قالاي جەتۋگە بولاتىنى تالقىلاندى. بٸراق پۋتيننٸڭ: «جاقسى, مەن زەلەنسكييمەن كەزدەسەمٸن» دەۋٸ – بۇل ٷلكەن جەتٸستٸك. ەرينە, ولار سول بٶلمەدەن ەڭ جاقىن دوس بولىپ شىقپايدى, بەلكٸم بەيبٸت كەلٸسٸم دە بولمايدى. بٸراق ادامداردىڭ سٶيلەسە باستاۋىنىڭ ٶزٸ ماڭىزدى. مۇندايعا ٷش جارىم جىلدان بەرٸ قول جەتكٸزٸلمەگەن ەدٸ", – دەدٸ اقش مەملەكەتتٸك حاتشىسى.
سونىمەن قاتار رەسەي سىرتقى ٸستەر مينيسترٸ سەرگەي لاۆروۆ جۋرناليستەرگە بەرگەن جاۋابىندا پۋتين مەن زەلەنسكييدٸڭ كەزدەسۋٸ بٸردەن بولا قويمايتىنىن مەڭزەدٸ.
"رەسەي ۋكرايناداعى جاعدايدى رەتتەۋ بويىنشا ەشقانداي فورماتتان – ەكٸجاقتى دا, ٷشجاقتى دا – باس تارتپايدى. بٸراق مەملەكەت باسشىلارى دەڭگەيٸندەگٸ كەز كەلگەن كەزدەسۋدٸ اسا مۇقييات دايىنداۋ قاجەت", – دەدٸ لاۆروۆ.
