Reseı prezıdenti Vladımır Pýtın Ýkraınamen soǵys tek Ýkraına áskeri Donbastan ketken jaǵdaıda aıaqtalatynyn málimdedi, dep habarlaıdy Dalanews.kz.
Bul týraly ol 27 qarashada Bishkekte ótken baspasóz máslıhatynda aıtty.
"Ýkraına áskeri qazir baqylaýynda ustap otyrǵan aýmaqtardan shyqqanda ǵana áskerı áreketter toqtaıdy. Al shyqpasa,ony qarýly kúshpen júzege asyramyz", – dedi Pýtın.
Reseı basshysy Máskeýdiń kelissózderge daıyn ekenin, biraq qazir muny "zańdy turǵyda iske asyrý múmkin emes" ekenin aıtty. Ol Ýkraına prezıdenti Vladımır Zelenskııge qatysty Kıev bıligi "saılaýdan qashyp, strategıalyq qate jiberdi" dep aıyptady.
Reuters agenttigi málimetinshe, AQSH bastapqyda Reseıdiń usynystaryn eskerip, 28 tarmaqtan turatyn jospar daıyndaǵan, alaıda keıin Ýkraınamen keńesýden soń qujat qysqarǵan.
Kıev Máskeýdiń úsh basty talabyn qabyldamaǵan:
-
Ýkraına Qarýly kúshteriniń sanyn shekteý;
-
NATO-ǵa kirýden bas tartý;
-
Donbastan áskerdi shyǵaryp, ony Reseıge berý.
Ýkraına prezıdenti Vladımır Zelenskıı bul máselelerdi AQSH prezıdenti Donald Tramppen talqylaýǵa tyrysqan, biraq ol Kıevtiń usynysyna jaýap bermegen.
