رەسەي پرەزيدەنتى ۆلاديمير پۋتين ۋكراينامەن سوعىس تەك ۋكراينا اسكەرى دونباستان كەتكەن جاعدايدا اياقتالاتىنىن مالىمدەدى، دەپ حابارلايدى Dalanews.kz.
بۇل تۋرالى ول 27 قاراشادا بىشكەكتە وتكەن باسپا ءسوز ءماسليحاتىندا ايتتى.
"ۋكراينا اسكەرى ءقازىر باقىلاۋىندا ۇستاپ وتىرعان اۋماقتاردان شىققاندا عانا اسكەري ارەكەتتەر توقتايدى. ال شىقپاسا،ونى قارۋلى كۇشپەن جۇزەگە اسىرامىز"، – دەدى پۋتين.
رەسەي باسشىسى ماسكەۋدىڭ كەلىسسوزدەرگە دايىن ەكەنىن، ءبىراق ءقازىر مۇنى "زاڭدى تۇرعىدا ىسكە اسىرۋ مۇمكىن ەمەس" ەكەنىن ايتتى. ول ۋكراينا پرەزيدەنتى ۆلاديمير زەلەنسكييگە قاتىستى كييەۆ بيلىگى "سايلاۋدان قاشىپ، ستراتەگيالىق قاتە جىبەردى" دەپ ايىپتادى.
Reuters اگەنتتىگى مالىمەتىنشە، اقش باستاپقىدا رەسەيدىڭ ۇسىنىستارىن ەسكەرىپ، 28 تارماقتان تۇراتىن جوسپار دايىنداعان، الايدا كەيىن ۋكراينامەن كەڭەسۋدەن سوڭ قۇجات قىسقارعان.
كييەۆ ماسكەۋدىڭ ءۇش باستى تالابىن قابىلداماعان:
-
ۋكراينا قارۋلى كۇشتەرىنىڭ سانىن شەكتەۋ؛
-
ناتو-عا كىرۋدەن باس تارتۋ؛
-
دونباستان اسكەردى شىعارىپ، ونى رەسەيگە بەرۋ.
ۋكراينا پرەزيدەنتى ۆلاديمير زەلەنسكيي بۇل ماسەلەلەردى اقش پرەزيدەنتى دونالد ترامپپەن تالقىلاۋعا تىرىسقان، ءبىراق ول كييەۆتىڭ ۇسىنىسىنا جاۋاپ بەرمەگەن.
