Referendýmǵa qatysty habar jariia bolǵannan keiin EýroOdaq pen oǵan múshe elder eger refrendým ótken jaǵdaida, onyń moiyndamaityndaryn ashyp aitty.
Óz kezeginde EýroOdaqtyń Syrtqy saiasat jáne qaýipsizdik máselesi jónindegi ókili Jozep Borrel «Resei refrendýmdy ótkizgen jaǵdaida EýroOdaq qosymsha sanktsiia jariialaityn bolady» dep bul máseleniń eleýsiz qaldyrmaityndaryn aitty.
Batys elderiniń Reseige salǵan sanktsiialary sońǵy ýaqyttary Reseidiń arqasyna aiazdai bata bastaǵany belgili.
Kúni keshe ǵana Samarqanda ótken ShYU-nyń forýymynda Pýtin Batys elderi gaz eksporyna qatysty shekteýlerdi jumsartsa, kári qurlyqqa kógildir otyndy jetkizýge daiyn ekenin aitqan bolatyn.
Munyń aldynda astyq eksportyn paidalanyp, birqatar sanktsiialardy bosatýǵa árekettengeni esimizde.
Eger referendýmnan keiin taǵy da sanktsiia salynatyn bolsa, Resei ekonomikasy batpaqqa belsheden batatyny anyq. Ázirshe Harkov baǵytynda jeńilistiń ashy dámin tatqan Pýtin emotsiiaǵa boi aldyrǵanyn baiqaýǵa bolady.
Óz kezeginde Jozep Borrel Kreml refrendým ótkizip, zańsyz áskeri baqylaýyn zańdastyryp, álemdik qaýymdastyq moiyndaǵan shekarany kúshpen ózgertse, munyń sońy jaqysylyqqa aparmaitynyn ashyp aitty.
«Resei BUU-nyń Jarǵysyn buzyp, Ýkrainanyń táýelsizdigine qol suǵyp otyr» dep aiyptady Jozep Borrel.
EýroOdaqtyń bas diplomaty okkýpatsiialanǵan aimaqtaǵy halyqty qoryqytyp, táýelsiz aqparat quraldaryn tunshyqtyryp, ǵalamtordy shektep ótkizgen refrendýmdy demokratiialyq qundylyqqa qurmetpen qaraityn eshqandai el moiyndamaitynyn jetkizdi.
Ýkrainanyń Syrtqy ister ministri Dmitrii Kýleba Resei psevdoreferendýmdy ótkizse de Ýkraina qarýyly kúshteri okkýpatsialanǵan aimaqtardy qaitarýdy jalǵastyra beretinin málemdedi.
