Resei prezidenti Vladimir Pýtin Ýkrainany Reseidiń ajyramas bóligi retinde qabyldaidy jáne oǵan ýkrain jeriniń bir bóligin ǵana iemdený jetkiliksiz. Bul týraly AQSh-tyń burynǵy prezidenti Djo Baiden BBC News-ke bergen suhbatynda málimdedi, dep habarlaidy Dalanews.kz.
Baidenniń aitýynsha, Reseige Ýkraina jeriniń bir bóligin berýge kelisý – “zamanaýi basý, tyiym salý” (iaǵni, agressordy tynyshtandyrý) saiasatynyń kórinisi. Ol Pýtinniń maqsaty – Keńes Odaǵy kezindegi yqpalyn qalpyna keltirý ekenin jetkizdi.
“Ol Keńes Odaǵynyń ydyraǵanyn moiyndaǵysy kelmeidi. Al eger bireý onyń osy áreketterin toqtatady dep oilasa — ol adam aqymaq”, — dedi Baiden.
Sondai-aq ol Donald Tramptyń bilikke qaita oralýy AQSh pen Eýropa arasyndaǵy qarym-qatynasty nasharlatýy múmkin ekenin eskertti. Baidenniń paiymynsha, mundai stsenarii álem tarihyn túbegeili ózgertýi múmkin.
Aita keteiik, bul — Baidenniń Aq úiden ketkennen keiingi alǵashqy suhbaty.
AQSh usynǵan beibit jospardyń mazmuny qandai?
Sáýir aiynda Parijde ótken kezdesýde AQSh delegatsiiasy Ýkraina men Eýropa elderine Resei men Ýkraina arasyndaǵy soǵysty toqtatý jónindegi usynys-josparyn usyndy.
Oǵan sáikes:
• Qurama Shtattar Qyrymdy Reseidiń bir bóligi retinde de-iýre (zań júzinde) moiyndaýǵa daiyn;
• 2022 jyldyń aqpanynan beri Resei áskeri basyp alǵan aýmaqtar Reseidiń baqylaýynda qalmaq, alaida olardyń anneksiiasy halyqaralyq deńgeide moiyndalmaidy;
• Tek Harkov oblysynyń azdaǵan bóligi ǵana Ýkrainanyń baqylaýyna qaitarylýy tiis delingen.
Alaida Ýkraina prezidenti Vladimir Zelenskii bul josparmen úzildi-kesildi kelispeitinin bildirdi. Ol Kiev eshqashan Qyrym men basqa da okkýpatsiialanǵan aýmaqtardyń Resei iýrisdiktsiiasyn moiyndamaitynyn málimdedi.
“Mundai usynystar tek soǵysty sozýǵa ǵana alyp keledi”, — dedi Zelenskii.
