Resei prezidenti Vladimir Pýtin 2 jeltoqsanda "BAQ týraly" zańǵa "shetel agentteri" túsinigin engizýdi qarastyratyn qujatqa qol qoidy.
Jańa zań "shetel agentteri" tizimindegi uiymdarda isteitin jýrnalisterdi "shetel agenti" dep tanýǵa jol ashady. Shetel aqparat quraldarynda jumys isteitin, olardan qarjy alatyn jeke tulǵalar da "shetel agenti" atanady.
Sheteldik BAQ Reseide jumys isteý tártibin buzǵan jaǵdaida, qabyldanǵan erejeler "shetel agentteriniń nemese olardyń zańdy tulǵalarynyń saittaryn buǵattaýǵa negiz bolady" dep jazdy TASS.
Reseide "shetel agentteri týraly" dep atalyp ketken zań 2012 jyly qabyldandy. Qujat boiynsha, shetelden qarjy alatyn uiymdar arnaiy tirkeýden ótýi kerek. Bul zań Pýtin biligine qarsy narazylyqtar kúsheigen tusta qabyldanǵan edi.
Halyqaralyq uiymdar Resei biligin bul zańnan bas tartýǵa shaqyrǵan.
Reseidiń ádilet ministrligi "shetel agentteri" tizimine "Amerika daýysy" men Azat Eýropa/Azattyq radiosy mediakorporatsiiasynyń toǵyz redaktsiiasyn engizgen. AE/AR prezidenti Djeimi Flai bul zańdy "qaýipti" dep ataǵan edi.
