Resei prezidenti Vladimir Pýtin Ortalyq Aziia óńiriniń halyqaralyq deńgeidegi mańyzy artyp kele jatqanyn aityp, óńirdiń ekonomikalyq áleýetine erekshe toqtaldy. Bul týraly ol sheteldik jýrnalistermen kezdesý barysynda málimdedi, dep habarlaidy dalanews.kz.
ShYU sammitine qatysty pikir bildirdi
Kezdesý kezinde «Kabar» agenttiginiń direktory Mederbek Shermetaliev Vladimir Pýtinnen aldaǵy Shanhai yntymaqtastyq uiymynyń sammitine qatysty pikirin suraǵan.
Pýtin sammit aiasynda mańyzdy kelisimderge qol jetkizilip, damý mindetteri aiqyndalatynyna senim bildirdi.
– Kompromisterge qol jetkizilip, damý mindetteri qoiylatynyna senimdimin. Qazir ShYU quramynda 27 memleket bar. Ekonomikalyq integratsiia baǵytynda jumystar júrip jatyr. Bul – mańyzdy másele, – dedi ol.
«Ortalyq Aziia álem nazaryn kóbirek aýdaryp jatyr»
Resei prezidentiniń aitýynsha, tabiǵi resýrstarǵa bai, aýmaǵy keń ári halqy ósip kele jatqan Ortalyq Aziia halyqaralyq qaýymdastyqtyń qyzyǵýshylyǵyn barǵan saiyn arttyryp keledi.
– Memleketterdiń resýrstary, orasan zor aýmaǵy jáne halyq sanynyń ósýi arqasynda Ortalyq Aziia búkil halyqaralyq qaýymdastyqtyń nazaryn kóbirek aýdaryp otyr. Eń aldymen bul óńirdiń ekonomikalyq áleýetimen bailanysty, – dedi Pýtin.
Resei Qyrǵyzstanǵa qoldaý kórsetýge daiyn
Pýtin Shanhai yntymaqtastyq uiymy aiasynda atqarylyp jatqan jumystar Resei men uiymǵa múshe basqa elder úshin de mańyzdy ekenin atap ótti.
Ol sondai-aq Qyrǵyzstanda ótetin mańyzdy is-sharanyń sátti ótýine qoldaý bildirdi.
– Biz qyrǵyz dostarymyzǵa sáttilik tileimiz jáne bul mańyzdy sharanyń tabysty ótýi úshin barynsha qoldaý kórsetemiz, – dep túiindedi Resei prezidenti.
