Almaty qalasynyń prokýratýrasy halyqtyń quqyqtyq saýattylyǵyn arttyrýǵa baǵyttalǵan «Quqyqtyq dárihana» áleýmettik jobasynyń bastalǵanyn málimdedi,- dep habarlaıdy Dalanews.kz

Bastama 2025-2030 jyldarǵa arnalǵan qoǵamda Zań men Tártip ıdeologıasyn nasıhattaý tujyrymdamasy aıasynda júzege asyrylady.

Joba azamattar kóp jınalatyn qalanyń saýda ortalyqtarynda kóship-qonyp keńes beretin bólimderdi uıymdastyrýdy kózdeıdi.

Osy aptada 11.06.2025 jyldan bastap «Quqyqtyq dárihana» Almatydaǵy úsh saýda jáne oıyn-saýyq ortalyǵynda jumysyn bastaıdy:

• «Dostyk Plaza» saýda ortalyǵy (Samal-2 shaǵyn aýdany, 111);
• «Grand Park» saýda ortalyǵy (Qabdolova k-si, 1);
• «MEGA Alma-Ata» saýda ortalyǵy (Rozybakıeva k-si, 263).

Jumys kestesi: ár sársenbi, beısenbi, juma 17:00-den 20:00-ge deıin. 

Joba aıasynda prokýrorlar azamattardy alańdatatyn máselelerdi túsinýge kómektesip, is-áreket algorıtmi men ótishterdi baǵyttaýǵa tikeleı keńes beredi. Azamattar qalasa jazbasha shaǵymdar men ótinishter qaldyra alady.

«Quqyqtyq dárihana» maqsaty - adamdarǵa, ásirese memlekettik organdarǵa sırek júginetin, quqyqtyq baǵytta qıyndyqtarǵa nemese ártúrli organdardyń áreketsizdigine tap bolǵan adamdarǵa jaqyn bolý.

Joba bir aı ishinde júzege asyrylady, sonymen qatar halyqtyń qaıtalanatyn quqyqtyq máseleleri boıynsha analıtıkalyq derekter jınalady.