الماتى قالاسىنىڭ پروكۋراتۋراسى حالىقتىڭ قۇقىقتىق ساۋاتتىلىعىن ارتتىرۋعا باعىتتالعان «قۇقىقتىق ءدارىحانا» الەۋمەتتىك جوباسىنىڭ باستالعانىن مالىمدەدى،- دەپ حابارلايدى Dalanews.kz
باستاما 2025-2030 جىلدارعا ارنالعان قوعامدا زاڭ مەن ءتارتىپ يدەولوگياسىن ناسيحاتتاۋ تۇجىرىمداماسى اياسىندا جۇزەگە اسىرىلادى.
جوبا ازاماتتار كوپ جينالاتىن قالانىڭ ساۋدا ورتالىقتارىندا كوشىپ-قونىپ كەڭەس بەرەتىن بولىمدەردى ۇيىمداستىرۋدى كوزدەيدى.
وسى اپتادا 11.06.2025 جىلدان باستاپ «قۇقىقتىق ءدارىحانا» الماتىداعى ءۇش ساۋدا جانە ويىن-ساۋىق ورتالىعىندا جۇمىسىن باستايدى:
- «Dostyk Plaza» ساۋدا ورتالىعى (سامال-2 شاعىن اۋدانى، 111)؛
- «Grand Park» ساۋدا ورتالىعى (قابدولوۆا ك-سى، 1)؛
- «MEGA Alma-Ata» ساۋدا ورتالىعى (روزىباكييەۆا ك-سى، 263).
جۇمىس كەستەسى: ءار سارسەنبى، بەيسەنبى، جۇما 17:00-دەن 20:00-گە دەيىن.
جوبا اياسىندا پروكۋرورلار ازاماتتاردى الاڭداتاتىن ماسەلەلەردى تۇسىنۋگە كومەكتەسىپ، ىس-ارەكەت الگوريتمى مەن وتىشتەردى باعىتتاۋعا تىكەلەي كەڭەس بەرەدى. ازاماتتار قالاسا جازباشا شاعىمدار مەن وتىنىشتەر قالدىرا الادى.
«قۇقىقتىق ءدارىحانا» ماقساتى - ادامدارعا، اسىرەسە مەملەكەتتىك ورگاندارعا سيرەك جۇگىنەتىن، قۇقىقتىق باعىتتا قيىندىقتارعا نەمەسە ءارتۇرلى ورگانداردىڭ ارەكەتسىزدىگىنە تاپ بولعان ادامدارعا جاقىن بولۋ.
جوبا ءبىر اي ىشىندە جۇزەگە اسىرىلادى، سونىمەن قاتار حالىقتىڭ قايتالاناتىن قۇقىقتىق ماسەلەلەرى بويىنشا اناليتيكالىق دەرەكتەر جينالادى.
