Atyraý oblystyq sotynda 23 jastaǵy Iana Legkodimovanyń ólimine qatysty is qaralýda. Kezekti otyrys barysynda marqum men aiyptalýshynyń arasyndaǵy jazbasha hattar jariia etildi. Habarlamalar qyrkúiektiń sońynda, iaǵni onyń qaza tapqanynan shamamen bir ai buryn jazylǵan, dep habarlaidy Dalanews.kz "Aq jaiyqqa" silteme jasap.
Dálelge ainalǵan hattar
Sottaǵy málimetterge qaraǵanda, hat almasýdy oqý birneshe saǵatqa sozylǵan. Alǵashqy jazbalarda jyly sózder men saǵynysh baiqalsa, biraq kún ótken saiyn olardyń arasynda sýyqtyq, qyzǵanysh baiqalady.
«Maǵan sen kereksiń. Qandai bolsań da qabyldaimyn, qurmetteimin. Jumystan keiin kezdesemiz be?» - dep jazǵan Iana.
«Ne úshin?» - dep jaýap bergen ol.
«Aýa raiy kúshti bolyp tur. Shynymen de serýenge shyqqyń kelmei me?»
«Qazir - joq».
Aralary sýi bastaǵan
Qyz sóilesýdi jalǵastyrýǵa tyrysqan, jigit bolsa alystai bergen.
«Meni beker ashýlandyrma. Barlyǵyn ózim aityp beremin. Menimen kelise almaisyń. Sen meni elemeisiń. Men jylap sharshadym. Endi jalǵyz jylamaimyn!»
«Qorqytqanyńnan saǵan jeńil bolmaidy. Basqa adamǵa aýyr tiedi. Men - bezbúirekpin».
Keide tek qysqa “Kelshi, ótinem” degen habarlama, oǵan “Ok” dep qana jaýap bergen.
«Biz tek kezdesip, birge bolǵannan lázzat alsaq qoi. Bul mahabbat emes - bul qorqynyshty nárse», - dep jazǵan aiyptalýshy.
Biraq Iana berispegen:
«Men seniń ómirińniń bir bóligi bolǵym keldi. Eger bári osylai aiaqtalatynyn bilsem de, qaitadan osy joldan ótetin edim».
Saǵynysh pen qoshtasý
Áńgimeler birte-birte qoshtasý men úmittiń kúresine ainalǵan.
«Jai habarlastym ǵoi, nege ashýlandyń? Buryn da ýaqytyń az bolatyn, biraq jaýap beretin ediń. Ótinem, bárine núkte qoishy, meni ózim ketetindei etip jiber. Qaityp kelýge múmkindik bolmasyn».
«Qushaqtasyp qoshtasaiyq».
«Sen tek menimen qoshtasasyń, al basqa adammen emessiń. Bárinen birden bas tart».
«Úndemei júrgenimmen, azap shegem. Eger jaqsy kórseń - talap qoima, qorqytpa. Sen óziń jibermeiinshe, eshteńe ózgermeidi. Meniń bar bolýymnyń ózi saǵan aýyr. Maǵan ólý kerek pe?»
«Biz aralaspaimyz», - dep jazǵan Iana.
«Men ózimdi saǵan bere almaimyn. Sen shart qoiasyń, qorqytasyń. Sabyr saqta. Meni qorqytýmen ustai almaisyń. Men bostandyq úshin kúresem dep oilamappyn. Men ketkim keledi, men – ońbaǵanmyn. Biraq meniń otbasym men basqa adamǵa jolama», - dep jaýap bergen aiyptalýshy.
Sot málimetinshe, Iana jigitiniń basqa qyzben qarym-qatynasyn bilip qalǵan. Sol sát olardyń arasyndaǵy qatynastyń buzylýyna sebep bolǵan. Kúdikti ol qyzdyń atyn ataýǵa tyiym salyp, “basqa adam” dep ataýdy talap etken.
Alǵashqy mahabbat - sońǵy úmit
Marqumnyń anasy Galina Legkodimova qyzynyń bul qarym-qatynasy onyń alǵashqy mahabbaty bolǵanyn aitty.
«Qyzym oqý men mansapta tabysty bolsa da, báribir bala sekildi edi. Bul adammen birge onyń ómirinde bári alǵash ret boldy. Bul - alǵashqy jáne sońǵy mahabbaty edi», - dedi ol.
