Almaty prokýratýrasy Qazaqstan-Brıtan tehnıkalyq ýnıversıtetin (QBTÝ) satýdy jaramsyz dep tanýdy talap etip, «QazMunaıGaz» kompanıasy men Nursultan Nazarbaev bilim berý qoryn sotqa berdi, dep habarlaıdy Dalanews.kz.
Prokýrorlardyń paıymynsha, QMG ulttyq kompanıasy ýnıversıtetti Qorǵa satqanda memleketke shyǵyn kelgen.
BAQ-ta taraǵan derekke qaraǵanda, qordyń úsh ıesi bar. Olardyń qataryna burynǵy Prezıdenttiń ortanshy qyzy Dınara Qulybaeva da kiredi.
QMG ýnıversıtetti 2018 jyly aýksıon arqyly beıindi emes aktıv retinde satqan. QBTÝ-dy Nursultan Nazarbaev bilim berý qory 11 mıllıard 300 mıllıon teńgege satyp aldy. Bul mámileni jasaý kezinde memleketke keltirilgen shyǵyn 11 mlrd teńgege baǵalanyp otyr.
Keıbir derekkózder ýnıversıtettiń satyp alý-satý sharty boıynsha QBTÝ eki jylǵa, ıaǵnı 2020 jyldyń sońyna deıin satylmaǵan. Biraq endi Dınara Qulybaeva men basqa da qojaıyndar JOO-ny sata alady. Bálkim, osy másele prokýratýranyń áreketine - onyń mámileden bas tartýǵa jáne sol arqyly ýnıversıtetti QMG menshigine qaıtarýǵa umtylýyna sebep bolýy múmkin.
Sonymen qatar, týra bir jyl buryn, 2023 jyldyń 7 aqpanynda QBTÝ-dyń bas ǵımaratyn jalǵa alý merzimi aıaqtaldy. Oqý orny jerdi memleketten jalǵa alǵan. Alaıda Almaty jer komısıasy jalǵa berý merzimin uzartty ma, joq pa, belgisiz.
