پروكۋراتۋرانىڭ قۇرىعى: نازاربايەۆتىڭ قىزى دينارا قۇلىبايەۆانىڭ دا مۇلكى تاركىلەنە مە؟

ازامات قويشىعارا 03 اقپ. 2024 10:36 2925


الماتى پروكۋراتۋراسى قازاقستان-بريتان تەحنيكالىق ۋنيۆەرسيتەتىن (قبتۋ) ساتۋدى جارامسىز دەپ تانۋدى تالاپ ەتىپ، «قازمۇنايگاز» كومپانياسى مەن نۇرسۇلتان نازاربايەۆ ءبىلىم بەرۋ قورىن سوتقا بەردى، دەپ حابارلايدى Dalanews.kz.


پروكۋرورلاردىڭ پايىمىنشا، قمگ ۇلتتىق كومپانياسى ۋنيۆەرسيتەتتى قورعا ساتقاندا مەملەكەتكە شىعىن كەلگەن.


باق-تا تاراعان دەرەككە قاراعاندا، قوردىڭ ءۇش يەسى بار. ولاردىڭ قاتارىنا بۇرىنعى پرەزيدەنتتىڭ ورتانشى قىزى دينارا قۇلىبايەۆا دا كىرەدى.



قمگ ۋنيۆەرسيتەتتى 2018 جىلى اۋكسيون ارقىلى بەيىندى ەمەس اكتيۆ رەتىندە ساتقان. قبتۋ-دى نۇرسۇلتان نازاربايەۆ ءبىلىم بەرۋ قورى 11 ميلليارد 300 ميلليون تەڭگەگە ساتىپ الدى. بۇل مامىلەنى جاساۋ كەزىندە مەملەكەتكە كەلتىرىلگەن شىعىن 11 ملرد تەڭگەگە باعالانىپ وتىر.



كەيبىر دەرەككوزدەر ۋنيۆەرسيتەتتىڭ ساتىپ الۋ-ساتۋ شارتى بويىنشا قبتۋ ەكى جىلعا، ياعني 2020 جىلدىڭ سوڭىنا دەيىن ساتىلماعان. ءبىراق ەندى دينارا قۇلىبايەۆا مەن باسقا دا قوجايىندار جوو-نى ساتا الادى. بالكىم، وسى ماسەلە پروكۋراتۋرانىڭ ارەكەتىنە - ونىڭ مامىلەدەن باس تارتۋعا جانە سول ارقىلى ۋنيۆەرسيتەتتى قمگ مەنشىگىنە قايتارۋعا ۇمتىلۋىنا سەبەپ بولۋى مۇمكىن.

سونىمەن قاتار، تۋرا ءبىر جىل بۇرىن، 2023 جىلدىڭ 7 اقپانىندا قبتۋ-دىڭ باس عيماراتىن جالعا الۋ مەرزىمى اياقتالدى. وقۋ ورنى جەردى مەملەكەتتەن جالعا العان. الايدا الماتى جەر كوميسسياسى جالعا بەرۋ مەرزىمىن ۇزارتتى ما، جوق پا، بەلگىسىز.



ۇسىنىلعان
سوڭعى جاڭالىقتار