Qazaqstannyń Bas prokýratýrasy Sheshenstandyq belsendi Mansýr Movlaevqa qatysty jaǵdaiǵa túsinikteme berdi. Vedomstvonyń habarlaýynsha, Resei azamaty Mansýr Movlaev 2025 jylǵy 13 mamyrda Almatyda ustalǵan, dep habarlaidy Dalanews.kz.
"M. Movlaev RF Sheshenstan Respýblikasy Shalin aýdany politsiiasy jariialaǵan halyqaralyq izdeý negizinde ustaldy. Oǵan RF Qylmystyq kodeksiniń 163-babynyń 1-bóligi jáne 163-baptyń 2-bóligi "g" tarmaǵy boiynsha (eki epizod boiynsha bopsalaý) qylmys jasady degen aiyp taǵylǵan", – dep habarlady Bas prokýratýra Tengrinews.kz-ke bergen jaýabynda.
16 mamyrda Almaty qalasynyń mamandandyrylǵan tergeý soty Movlaevqa qatysty 40 táýlikke ýaqytsha qamaýǵa alý sanktsiiasyn shyǵarǵan.
Mansýr Movlaev Qazaqstan biliginen baspana suraǵan. Bas prokýratýranyń málimetinshe, onyń ótinishi qaralyp jatqan kezde ekstraditsiia jasalmaidy.
"Bosqyndar týraly" QR Zańyna sáikes, baspana izdeýshi tulǵalar bosqyn mártebesin berý týraly ótinish qaraý rásimi aiaqtalǵanǵa deiin, sondai-aq shaǵymdaný merzimi ishinde Qazaqstan aýmaǵynda bolýǵa quqyly. Movlaev M. Almaty qalasy Jumyspen qamtý jáne áleýmettik baǵdarlamalar basqarmasyna bosqyn mártebesin berý týraly ótinish bildirdi. Osy organ 2025 jylǵy 21 mamyrda oǵan baspana izdeýshi tulǵa kýáligin bergen. Sondyqtan ekstraditsiia máselesi bul ótinish boiynsha túpkilikti sheshim qabyldanǵannan keiin ǵana qaralýy múmkin", – dedi qadaǵalaýshy organ.
Mansýr Movlaev 1995 jylǵy 12 jeltoqsanda dúniege kelgen. Belgili bolǵandai, ol óz elinde oppozitsiialyq qozǵalysqa qatysyp, Sheshenstandaǵy qýǵyn-súrgin men iz-túzsiz joǵalǵandar týraly málimetter jinaǵan. Buǵan deiin Movlaev esirtkige bailanysty qoldan jasalǵan is boiynsha eki jyl túrmede otyrǵanyn málimdegen. Keiin ol Qyrǵyzstanǵa qashyp, sodan keiin Qazaqstanǵa ótken.
Advokattarynyń aitýynsha, Movlaev Sheshenstan túrmesinde azaptaýǵa ushyraǵan. Osyny anyqtaý úshin olar Stambul hattamasyna sáikes, psiholog mamandy tartqan.
"2022 jyly qorǵaýymyzdaǵy azamatqa azaptaý qoldanylǵan. Árine, bizde bul jaǵdaidyń bolǵanyn rastaityn naqty dálelder joq. Mansýr solai deidi – biz, advokattar, oǵan senemiz. Biraq litsenziialanǵan psiholog maman ony qarap, bul jaǵdaidyń shyn bolǵan-bolmaǵanyn anyqtap kórse deimiz. Bul azaptaýǵa qatysty ádettegi jumys. Mundai dálelderge baǵany sot beredi. Bizdiń maqsat – osy zertteýdi alý. Sebebi bul materialdy Movlaevqa bosqyn mártebesin berý týraly sheshim qabyldanatyn komissiiada jáne halyqaralyq organdarǵa júginýde paidalanǵymyz keledi", – dedi advokat Rena Kerimova.
Alaida mamanǵa Almaty ýaqytsha ustaý izoliatorynda Movlaevpen kezdesý múmkindigi berilmegen.
