Qaraǵandy oblysyndaǵy Aqtoǵaı aýdany prokýratýrasynyń bastamasymen aýyr júk kólikteriniń júrgizýshileri jaýapkershilikke tartyldy, - dep habarlaıly Dalanews.kz. 

Aqtoǵaı aýdanynyń prokýratýrasy turǵyndardyń shamadan tys júk tıelgen aýyr kólikterdiń oblystyq mańyzy bar trassamen júrýine shaǵymdaryn erekshe baqylaýǵa aldy, sebebi kóliktiń shamadan tys júktemesi oblys ortalyǵyna aparatyn  joldyń buzylýyna ákelýde.

Joldardyń buzylýynyń negizgi faktorlarynyń biri aýyr kólikterdiń tasymaldaýǵa ruqsat etilgen salmaqty arttyrýy bolyp tabylady.

Avtokóliktiń jalpy salmaǵy júkpen birge kelesi mánderden aspaýy kerek: úsh osti (M3 sanatyndaǵy topsaly avtobýstardy qospaǵanda) – 25 tonna; tórt osti, onyń ishinde eki basqarylatyn osimen – 32 tonna; bes osti – 38 tonna; alty nemese odan da kóp osteri bar – 44 tonna.

Aýdan prokýratýrasynyń bastamasymen polısıa qyzmetkerleri shamadan tys júktıegen aýyr kólikterdi anyqtap, ustady. «Qaraǵandy oblysy boıynsha Kóliktik baqylaý ınspeksıasy» basqarmasynyń mamandary olarǵa qatysty ákimshilik materıaldar resimdedi.

Nátıjesinde jeke jáne zańdy tulǵalarákimshilik jaýapkershilikke tartyldy. Bir aı ishinde jalpy somasy 2 900 000 teńgedenasatyn 5 ákimshilik hattama resimdelip, aıyppuldar tólendi.

Qabyldanǵan sharalar joldardyń merziminen buryn buzylýy men tozýyn boldyrmaýǵa yqpal etedi.

Aýyr júk kólikteriniń júrgizýshilerin erejelerdi qatań saqtaýǵa jáne belgilengen salmaq parametrlerinen aspaýǵa shaqyramyz.

Ruqsat etilgen normalardy buzý ákimshilik jaýaptylyqqa soqtyrady.