قاراعاندى وبلىسىنداعى اقتوعاي اۋدانى پروكۋراتۋراسىنىڭ باستاماسىمەن اۋىر جۇك كولىكتەرىنىڭ جۇرگىزۋشىلەرى جاۋاپكەرشىلىككە تارتىلدى، - دەپ حابارلايلى Dalanews.kz. 

اقتوعاي اۋدانىنىڭ پروكۋراتۋراسى تۇرعىنداردىڭ شامادان تىس جۇك تيەلگەن اۋىر كولىكتەردىڭ وبلىستىق ماڭىزى بار تراسسامەن جۇرۋىنە شاعىمدارىن ەرەكشە باقىلاۋعا الدى، سەبەبى كولىكتىڭ شامادان تىس جۇكتەمەسى وبلىس ورتالىعىنا اپاراتىن  جولدىڭ بۇزىلۋىنا اكەلۋدە.

جولداردىڭ بۇزىلۋىنىڭ نەگىزگى فاكتورلارىنىڭ ءبىرى اۋىر كولىكتەردىڭ تاسىمالداۋعا رۇقسات ەتىلگەن سالماقتى ارتتىرۋى بولىپ تابىلادى.

اۆتوكولىكتىڭ جالپى سالماعى جۇكپەن بىرگە كەلەسى ماندەردەن اسپاۋى كەرەك: ءۇش ءوستى (م3 ساناتىنداعى توپسالى اۆتوبۋستاردى قوسپاعاندا) – 25 توننا؛ ءتورت ءوستى، ونىڭ ىشىندە ەكى باسقارىلاتىن وسىمەن – 32 توننا؛ بەس ءوستى – 38 توننا؛ التى نەمەسە ودان دا كوپ وستەرى بار – 44 توننا.

اۋدان پروكۋراتۋراسىنىڭ باستاماسىمەن پوليسيا قىزمەتكەرلەرى شامادان تىس جۇكتيەگەن اۋىر كولىكتەردى انىقتاپ، ۇستادى. «قاراعاندى وبلىسى بويىنشا كولىكتىك باقىلاۋ ينسپەكسياسى» باسقارماسىنىڭ ماماندارى ولارعا قاتىستى اكىمشىلىك ماتەريالدار رەسىمدەدى.

ناتيجەسىندە جەكە جانە زاڭدى تۇلعالاراكىمشىلىك جاۋاپكەرشىلىككە تارتىلدى. ءبىر اي ىشىندە جالپى سوماسى 2 900 000 تەڭگەدەناساتىن 5 اكىمشىلىك حاتتاما رەسىمدەلىپ، ايىپپۇلدار تولەندى.

قابىلدانعان شارالار جولداردىڭ مەرزىمىنەن بۇرىن بۇزىلۋى مەن توزۋىن بولدىرماۋعا ىقپال ەتەدى.

اۋىر جۇك كولىكتەرىنىڭ جۇرگىزۋشىلەرىن ەرەجەلەردى قاتاڭ ساقتاۋعا جانە بەلگىلەنگەن سالماق پارامەترلەرىنەن اسپاۋعا شاقىرامىز.

رۇقسات ەتىلگەن نورمالاردى بۇزۋ اكىمشىلىك جاۋاپتىلىققا سوقتىرادى.