Probatsiia qyzmeti qylmystyń tómendeýine yqpal etedi
Otyrystyń kún tártibinde eki másele qaraldy. Olar – probatsiia qyzmetinde tirkeýde turǵan jáne raqymshylyq etilgen azamattar men atqarylǵan jumystar, probatsiia qyzmetinde tirkeýde turǵan jáne túzeý mekemelerinen bostandyqqa shyqqan azamattardy jumyspen qamtý jáne 1 paiyz kvotanyń oryndalý barysy talqylandy.
Osydan birshama ýaqyt buryn Saryaǵash qalasynda probatsiia tiziminde turǵan azamattarǵa arnalǵan «Probatsiia» ortalyǵy ashylyp, jumysyn bastaǵan bolatyn. Búginde ortalyq shartty túrde bas bostandyǵynan aiyrylǵan azamattarǵa áleýmettik-quqyqtyq qyzmet kórsetip keledi.
Sonymen qatar «Probatsiia» ortalyǵynyń basty maqsaty probatsiia tiziminde turǵan azamattardy jumyspen qamtý, jeke kásibin ashamyn degenderge qoldaý bildirý, psihologiialyq kómek kórsetý, mamandyq meńgerý, kásipkerlikti qoldaý úshin nesie alý, orta bilim alý, qujattandyrý, meditsinalyq kómek, quqyqtyq kómek jáne ózge de járdem túrlerine qyzmet kórsetedi.
Kún tártibindegi máseleler boiynsha Saryaǵash aýdandyq probatsiia qyzmeti bólimi basshysynyń mindetin ýaqytsha atqarýshy A.Baitenniń jáne halyqty jumyspen qamtý ortalyǵynyń direktory D.Dinashovanyń baiandamalary tyńdaldy. Jiynǵa konsýltatsiialyq-keńesshi organnyń músheleri qatysty.
Saryaǵash aýdany ákiminiń baspasóz hatshysy
