سارىاعاش اۋدان اكىمدىگىنىڭ ءماجىلىس زالىندا اۋدان اكىمدىگى جانىنداعى قىلمىستىق جازالاردى جانە وزگە دە قىلمىستىق-قۇقىقتىق ىقپال ەتۋ شارالارىن ورىندايتىن مەكەمەلەر مەن ورگانداردىڭ قىزمەتىنە جاردەمدەسۋ، سونداي-اق قىلمىستىق جازالارىن وتەگەن ادامدارعا الەۋمەتتىك جانە وزگە دە كومەكتى ۇيىمداستىرۋ بويىنشا كونسۋلتاسيالىق-كەڭەسشى ورگاننىڭ وتىرىسى بولىپ ءوتتى.

وتىرىستىڭ كۇن تارتىبىندە ەكى ماسەلە قارالدى. ولار – پروباسيا قىزمەتىندە تىركەۋدە تۇرعان جانە راقىمشىلىق ەتىلگەن ازاماتتار مەن اتقارىلعان جۇمىستار، پروباسيا قىزمەتىندە تىركەۋدە تۇرعان جانە تۇزەۋ مەكەمەلەرىنەن بوستاندىققا شىققان ازاماتتاردى جۇمىسپەن قامتۋ جانە 1 پايىز كۆوتانىڭ ورىندالۋ بارىسى تالقىلاندى.

وسىدان ءبىرشاما ۋاقىت بۇرىن سارىاعاش قالاسىندا پروباسيا تىزىمىندە تۇرعان ازاماتتارعا ارنالعان «پروباسيا» ورتالىعى اشىلىپ، جۇمىسىن باستاعان بولاتىن. بۇگىندە ورتالىق شارتتى تۇردە باس بوستاندىعىنان ايىرىلعان ازاماتتارعا الەۋمەتتىك-قۇقىقتىق قىزمەت كورسەتىپ كەلەدى.

سونىمەن قاتار «پروباسيا» ورتالىعىنىڭ باستى ماقساتى پروباسيا تىزىمىندە تۇرعان ازاماتتاردى جۇمىسپەن قامتۋ، جەكە كاسىبىن اشامىن دەگەندەرگە قولداۋ ءبىلدىرۋ، پسيحولوگيالىق كومەك كورسەتۋ، ماماندىق مەڭگەرۋ، كاسىپكەرلىكتى قولداۋ ءۇشىن نەسيە الۋ، ورتا ءبىلىم الۋ، قۇجاتتاندىرۋ، مەديسينالىق كومەك، قۇقىقتىق كومەك جانە وزگە دە جاردەم تۇرلەرىنە قىزمەت كورسەتەدى.

كۇن تارتىبىندەگى ماسەلەلەر بويىنشا سارىاعاش اۋداندىق پروباسيا قىزمەتى ءبولىمى باسشىسىنىڭ مىندەتىن ۋاقىتشا اتقارۋشى ا.بايتەننىڭ جانە حالىقتى جۇمىسپەن قامتۋ ورتالىعىنىڭ ديرەكتورى د.ديناشوۆانىڭ باياندامالارى تىڭدالدى. جيىنعا كونسۋلتاسيالىق-كەڭەسشى ورگاننىڭ مۇشەلەرى قاتىستى.

 

سارىاعاش اۋدانى اكىمىنىڭ باسپا ءسوز حاتشىسى